EA-Sareanek garbi du: software askea erabili behar da

Kuriosoa iruditu zait hau guztia. EA bezalako alderdi sozialdemokrata izaki eta beraz honekin dakarren kapitalismoarekiko menpekotasun guztiak kontutan harturik.... informatikaren mundua hankaz gora jarri nahi duen sofware askearen alde? Eta nik sinistu!!



Baina EAk azken urteotan ohituta gauzkan lez, gauza bat esan eta bestea egiten du. Independentista sutsurenak omen dira eta autodeterminazioaren aldeko manifak debekatzen dituzte orain eta bihar software askearen aldeko apostua egiten dutela erran eta interneten bere aurpegi publikoa den bere webgunea ASP-n egina daukate.

Gainera esandako webgunea Microsoft Explorentzako prestatuak dago, Mozillan zenbait menu ez baitira agertzen.



Eta noski, gazteak ere helduen antzera. Beraien nagusien akats berdinak errepikatu dituzte.



Esandakoa, EAk bere horretan darrai, gomendioak guztiontzat baina lana betikoentzat.

Ez nago ados anonimo honekin. Kontraesana da software librea aldarrikatzea ASP-rekin egindako gune batetik? Nere ustez ez.



Nik ez dakit zen den EAren gune horren historia. Baina erraz irudikatu daiteke hipotesi bat. Informatikari bat edo batzuk, EAtik hurbil daudenak, edo aukera on bat egin diotenak alderdiari, eta ASP-rekin eta Visual Basic-ekin esperientzia dutenak. Haietxekin zuten aukera onena, eta haietxekin egingo zuten gunea.



ASP-rekin lanean dabiltzanak, niretzat, ez dira traidore, hipokrita edo Billen morroien kategorian sartzen. Paternalismoz esanda, geuk baino teknologia kaxkarragoa darabilten jendea dira. Baina eremu horretan erein daiteke soft librearen hazia egokien... Soft librearen larunbateko mintegian entzun nuen enpresa baten kasua: ASP-rekin egiten zituzten gauzak lehen, alferlana deritzote hari orain, eta software librearekin ari dira orain.



EAren kasuan, agiria, eskertzekoa da. Guneari dagokionez, EA 1.0 estatikoa izango zen; 2.0 ASPrekin egina, eta akaso 3.0 soft librearekin egingo dute, ikusiko dugu.



Horrez gain, EAren ildo politikoa kritikatu daiteke, eta ez da motiborik faltako. Baina alor horretan, gomendioak ematea ze erraza den anonimotasunetik...

Nik ez daukat ezer ASP erabiltzearen kontra ezin bazara askea den beste tresnaren batekin manejatu baina bai iruditzen zait kontraesan handia soft librearen aldeko aldarrikapenak egiten ibiltzea zure ingurutik hasi gabe.



Txikitatik esan zidaten jendea sinistu behar nuela egiten zuenagatik eta ez dioenagatik. Eta honi jarraiki ez zait zilegi iruditzen kanpoan askatasunaren predikua ematen ibiltzea zure etxeari aurretik ez badiozu aplikatzen. Non eta alderdi politiko batean, bere burua ezkertiartzat duena gainera.

Diru arazoak ez ziren izango behintzat!



Eta gainera lehenengo lagunak zioen lez, webgunea explorerentzat egokia baino ez den egindako "pototxo" bat baino ez da, beraz nabarmen geratzen da soft askearen kontuarekin interes gutxi edo batere ez dutela. Edo behintzat aldatzeko gogo nabermenik ez.



Gai honetaz aparte ulertzen ez dudana da, azken aldi honetan animotasunaren kontuarekin agertzen ari diren mezu kritikoak. Ze gertatzen da ba bere animotasuna gorde nahi badu pertsona batek? Horrek berak errandakoari arrazoia kentzen edo gehitzen al dio?



Nire aburuz edukina da garrrantzitsua eta ez honek edo besteak errandakoa izana. Noiz eta garaia hauetan Euskal Herrian ideia politiko eta sozial batzuk 8 urteko zigorrarekin ordaintzen baldin badira.

> Gai honetaz aparte ulertzen ez dudana da, azken aldi honetan animotasunaren kontuarekin agertzen ari diren mezu kritikoak. Ze gertatzen da ba bere animotasuna gorde nahi badu pertsona batek? Horrek berak errandakoari arrazoia kentzen edo gehitzen al dio?

Aintzinari eta Axierri erantzunez eta baita irakurri dezakeen ororengan pentsatuz zera gehitu gura nuke editore naizen aldetik:

Ez naiz ni baloratzen hasiko arrazoia nork duen edo ez, baina formak zaindu behar direla argi lagata dago Sustatun. Anonimotasuna aipatzen du Axierrek eta hori bai da Sustatuko gai bat. Sustatun arau batzuk daude idazteko eta errespetatu beharra dagoela gogoratu nahi nuke berriz ere. sustatun albiste bat ere atera genuen anonimotasunaren kontu hau zela eta. Artikuluaren izena: Arauak errespetatuz idatzi behar da Sustatun

Artiku horretan aipatzen da, anonimotasunak ezin duela balio inor mintzeko

Anonimotasuna onargarri da Sustatun baina, arauetan esaten den legez, espero dugu irakurleek zentzuarekin erabiltzea aukera hau, errespetuzko iritzi trukea eta benetako adierazpen askatasuna posible izan dadin. Izan ere, erantzun eta informazio osagarriak moderatu gabe igarotzen dira eta honek joko arauak onartzera derrigortzen du partaidea.

Luistxorekin ados nago. Gehiago esango nuke, eguneroko bizitzari eta informatikak izan duen eboluzioari begiratuz gero, ia ezinezkoa da "kontraesan" horiek ez dituen norbait aurkitzea. Ni neu lehenengoa, software librearen aldekoa naiz, baina ASP ikastea egokitu zitzaidan eta aurretik windows, word eta beste guztiak. Gaur egun kontraesanean bizi naiz, baina piskanaka aldatuko garen esperantzarekin. Politiko bat ere ezin duzu aurkitu egoera horretatik kanpo.



Beste adibide bat, duela hilabeteak instalatu nuen OpenOffice, eta gehienetan ez dut erabiltzen, ze azkenean word-eko formatuan gordetzen amaitu behar dut, eta horretarako ez ote da word bera hobea?



Nik uste momentu honetan soft libreak aldeko jendea biltzea behar duela, erabiltzaileak beldurtu gabe.Denborarekin etorriko dira bestelako eskakizun zorrotzak.

Ederki, ni ere EAkoen alde, baina galdera bat otutzen zait. Gipuzkoako Foru Aldundian, nik dakidala, EA da agintzen Lehendakaritza Sailan (Joaquin Villa ez al da EAkoa?), eta haren menpe dago IZFE (Informatika Zerbitzuen Foru Elkartea).



Beraz, has daitezela lehendabizi etxetik: jar dezatela software irekiaren aldeko norbait IZFEn arduradun.