Arrasate: literatura solasaldiak udal liburutegian
Arrasateko Udal Liburutegiak eta Emakume Sailak ikasturte berrirako Literatura Solasaldian antolatu dituzte, Monterrongo Kultura Etxean.
Izena emateko epea: irailaren 23tik urriaren 4ra.
Solasaldiak hilean behin izango dira eta bi aukera daude: euskarazko taldea, Itziar Zubizarreta idazleak gidatua eta gaztelaniazkoa, Ana Arregi Unibertsitateko irakaslearen gidaritzapean.
Lehenengo hiruhilabeteko programa:
Euskarazko saioak:
- Urriak 14, Iban Zalduaren "Gezurrak, gezurrak, gezurrak"
- Azaroak 11, Joseba Sarrionandiaren "Lagun izoztua"
- Abenduak 9, Josu Landaren "Odolbildua"
Gaztelaniazko saioak:
- Urriak 10, Natalia Ginzburg-en "El camino que va a la ciudad"
- Azaroak 7, Franz Kafka-ren "La metamorfosis"
- Abenduak 12, Virginia Woolf-en "Orlando"
Erantzunak
> Azaldu zenezakete zerbait gehiago "solasaldi" hitzaren gainean? Zertan datza?
Egun horretarako jarritako liburuaz mintzatzen da taldean. Talde bakoitza, gehienez ere, 15 pertsonaz osatua dago eta solasaldien ardura daukan pertsonak, Anak edo Itziarrek, sarrera gisa egileaz zein liburuaz hitzegiten du. Ondoren taldearen txanda izaten da eta hemen ez dago araurik, bakoitzak komeinigarria ikusten duenean parte hartzen du bere iritzia azaltzeko. Solasaldiak ez dira batere kultoak, hori ez baita helburua.
Solasaldien xedea irakurketak sortarazten dituen iritziak zein sentimenduak konpartitzea da. Horrela, zenbait kasutan taldekideen iritzia entzun ondoren, liburua berriz irakurtzeko gogoa sortzen da, besteek topatu dutena bilatu asmoz. Irakurketa konszienteago eta sakonago bihurtzen da taldearen aurrean norberaren iritziak defendatu behar direnean.
Ikasturtean zehar idazleak ekartzeko asmoa badugu, Iban Zaldua agian euskarazko lehenengo saiora,...
Informazio gehiago: 943 770105 edo biblioteka@arrasate-mondragon.net
> Solasaldien xedea irakurketak sortarazten dituen iritziak zein sentimenduak konpartitzea da.
Eskerrik asko informazioarengatik. Uste nuen idazleak eurak etorriko zirela Arrasatera, baina ikusten dut beste modu batera antolatu dituzuela solasaldiok. Interesgarriak dirudite. Eskerrak, berriz ere, erantzunarengatik.
Igor Lopez
> Literatura Solasaldian antolatu dituzte, Monterrongo Kultura Etxean.
Beharbada ez da izango oso galdera kultua, baina zer egiten da literatura solasaldi horietan? aurotea egoten al da bertan? liburua irakurrita eramatea komeni da? zein izaten da solasaldi horien gidoia?
Azaldu zenezakete zerbait gehiago "solasaldi" hitzaren gainean? Zertan datza?