1.000 bideokamera Gasteizko kaleetan!!

> Gasteiztik atera gabe badira kalean gure mugimendu oro zelatatzen duten 1.000 (bai jauna, mila!!!!) bideokamera.



Eta niri zer?



Egia esan, beti iruditu zait kalean bideo kamarak jartzearen kontu hau ez datorrela nirekin. Niri ez zait axola nire mutil laguna musukatzen nagoenean jendea begiratzen geratzen bazait. Beraz, polizia edo dena delakoa hori begira badago ere bejondeiola.



Kontua da ezkutatzeko zerbait dugunean hasten dela arazoa.



adibide bat jarriko dut. Ni droga oro legalizatzearen alde nagoelarik... zein da arazoa, trapitxeoan harrapatuko nautela kalean bideo kamara horien bidez edo behingoz drogak onartu behar ditugula Soberano kopakadak legezkoak diren moduan.



Ez dut arazorik ikusten bideokamaren kontu horiekin. Niri bost axola zer grabatzen duten.



Izkutuan ibiltzeko guraria duenak jakingo du zergatik ez dituen gustoko bideokamerak.

Eta zu bezalako milaka herritar zintzo zelatatzen zertarako behar dira orduan hainbeste begi elektroniko? Noski, Argentinan ¡1976,ean, atxilotuak kalabozorantz eramaten zituztenean auzoko andreak sorbaldak enkojituz esaten zuena iruditzen zait zurea... nik ez dut okerrik egin, beraz lasai bizi naiteke...



Anaia Handiak gizarte kontserbadorea lortzeko sekulako lana egin duela argi dago, eroso sentitzen bazara hainbeste "voyeur" inguruan duzula jakinda.



Esibizionismoa agian...



Eta niri zer... Ja, ja. Bertolt Brecht.en poema ezagutzsen duzu? Ez ezta? Segi eroso bizitzen.



Baina serio: Nik ere ez du ezkutatzekorik deus. Eurek ordea susmagarritzat izango nindukete ene kexua irakurri hutsarekin. Galdeiezu NODO50 gune alternatibokoei ze pekatu egin duten goardiazibil eta poliziaren dibisio elektronikoak gau eta egun zelatari izateko.



Eurek ez dute deus ezkutatzen, eztabaida guztiak interneten, guztien bistan, egiten dituzte. Bada, Barne Ministeriotik Cotino jaunak jada "proetarra" eta "biolento" deitu die.



Eta zinez diotzut bideokamera asko falta dela hortik zehar, zuk bezain lasai hartuko ez lituzketen agintari, handiki, aberats eta polizi "txit demokratiko"en kabietan.

1) Inork esan dizu zuri zintzoa naizenik?



2) Kamarez ari gara ez kalabozoez. Ni ez naiz biziko lasai kalabozora eramaten nautenean Argentinan bezala.



3) ez da exibizionismoa eta ezta ere eroso sentitzen naizela gizarte honetan. Esan dut ez didala axola kamarak begira egotea.



4) Ez dut poema hori ezagutzen.



5) zu susmagarri izango zinakeela diozu zure kexua irakurri hutsarekin. Orain ulertzen dut "pakeanutzi" delako hori.



6) Batzuei proetarra eta ez dakit zer deitzen diotela diozu. Niri milaka ordu grabatzen egon edo bat ere ez grabatu berdin deitu ahal izango didate proetarra. Kamaren beharrik ez dutela hori egiteko argi eta garbi erakutsi dutela iruditzen zait, edo?



7) Txit demokratiko deitzen diozun saku horretan ere denetik egongo da, hori sinestu nahi dut behintzat.

Bertolt Bercht.-en poema irakurri edo George Orwellen "1984" liburua. Horrekin dena esanda dago.



Baina badaezpada, hona nire postdata:



Argentinakoa ez duzu oso ongi ulertu, baina lasai, Brecht.en poema irakurri eta harrapatuko duzu.



Eta susmagarri dira, zuk uste edo ez, kontrol soziala salatzen dutenak, zure aldean oso "gaizto"ak direlako. Ematen du oraindik ez dakizula non bizi zaren.



Eta "Pakenutzi" naiz, zuk uste edo ez, halakoetan nire nortasuna babesteko premia sentitzen dudalako. "Egia garesti dala" ez al dakizu oraindik?





Ez dut zalantzarik agintari, aberats, handiki eta polizien artean denetarik dagoela. Kaletik doan jendearen artean ere bai, eta orduan zergatik kontrolatzen gaituzte gu eta beraiek ez?





Kontrol zorrotza eurek behar dute, ez guk.

Emango duzu poema horren loturaren bat, non aurkitu dezakegun... edo poema hori bera kopiatuko zerrenda honetan edo zer? kontua da bai niri eta seguruenik beste batzuei ere gustatuko zaiela hain adierazgarri eta ona bada.





Polizia, agintari... horiek ere kamarek jarraituak izango dira kalean, bai noski. Eta arrazoia duzu polizia bulegoetan ere beharko lukeela kamararik egon. Gogoan ditut nik ere asko ez dela Euskal Herriko zenbait egunkaritan agertutako hainbat tortura kasu. Argia astekarian ere agertzen omen dira oraingo astean. Egia da (ez dakit garesti edo merkea) horiek ere kamarek grabatzeko modukoak zirela. En fin.



Dena den, jarraitzen dut esaten izkutatzeko ezer ez duenak ez daukala zertan kamara horren beldurrik izan behar. Edo baietz uste duzu zuk? (edo irakurtzen zaudeten besteok?)



Zer esango dizut ba. Ni ez naiz kontrol horren pean sentitzen. Nire mutil-lagunak ere zure antzera pentsatzen du, baina zuetako batzuek kontrol zorrotzpean egoteak ez du esan nahiko denok horrela sentitu behar dugula, ezta?



Atzo beste batekin hitz egiten nengoela konklusio batera heldu ginen: beharbada gaurko gizarteari gero eta gutxiago axola zaio zer gertatzen den komisaldegietan... edo gutxi axola zaigu kamarekin grabatzen gaituzten edo ez.



Konklusio hori hankamotz geratu zen ordea. Zergatik dago desinteres hori? zerk eragiten du? edo agian, nork?

Inerneten eta liburu arten bila egon ondoren erdaraz baino ez dut aurkitu poematxoa. Horra hor:



"Cuando se llevaron a mi vecino de arriba que era judío, no me importó, porque yo no soy judío; después se llevaron a mi vecino de abajo que era comunista, no me importó, porque yo no soy comunista; ahora vienen a buscarme a mí y ya es demasiado tarde."



Ondo etorriko zaizu irakurtzea dudarik gabe.



>Polizia, agintari... horiek ere kamarek jarraituak >izango dira kalean, bai noski.

Bai, noski ez baitira ikustezinak. Baina zuk zure buruari grabatzen diozunean ez dago arazorik, arazoa da besteen intimitatean eskubiderik gabe sartzen zarenean. Eta hau da kasu hau.



>Dena den, jarraitzen dut esaten izkutatzeko ezer >ez duenak ez daukala zertan kamara horren >beldurrik izan behar.

Eta nork epaitzen du "ezer izkutatzeko" hori zilegia den ala ez? Horrekin esan gabe doa, legitimatzen ari zarela kamara horren atzean dagoenak emango dion erabilpena "zuzena" izango dela. Eta hala balitz ere zer mekanismo duzu zuk hori benetan horrela dela ziurtatzeko? beste kamara bat grabatzen ari dena kontrolatzeko jarriz? eta beste bat beste horrentzako?....

Hemen askatasun pertsonalaz hitz egiten ari gara eta inork ez du eskubiderik inoren eginbeharrak zelatatzeko baimenik gabe.

Gero zure burua justifikatu nahi baldin baduzu "ezer ez duzula izkutatzeko" esanez ba oso ondo, poemak dioen bezala zuregana joan arte. Orduan bai kezkatzen hasiko zarela, arrazoi osoarekin gainera.

(neronek itzuli dut, barkatu beraz literaturzale finok).    



 Orain neu naramate

            

Estraina komunistak eraman zituzten

baina niri bost axola

ez bait nintzen deus halakorik



Segituan langile batzu eraman zituzten

baina bost axola neuri

halakoa ere izan ezean



Gero sindikalistak arrestatu zituzten

baina ez zitzaidan axola

neu ez bait naiz sindikalista



Ondoren apezak atxilotu zituzten

baina erlijiosoa ez izaki

neroni deus axola ostera ere



Orain neu naramate

baina berandu da



Bertold Bretch

> (neronek itzuli dut, barkatu beraz literaturzale finok).    



Eskerrik asko poemagatik eta baita itzulpenagatik ere.



Oso poema esanguratsua.



Konbinzentea da gainera.



Konbentzitu nauten beste bi hitz: "askatasun pertsonala". Uste dut zure iritzitik lehen baino askoz gertuago nagoela.



Alazne