Fagorreko 4 langile hil dira Irango hegazkin istripuan

Istripua izan dutenen izen abizenak baditugu, lautik bi dira Arrasatekoak.



Julio Ibarra Pastor

Jesus Maria Olazabalaga Uribe

Jaun Carlos Goikoetxea de Migel

Joseba Mirena Azkoaga



Fagor Arrasateko langileek ez dute lanik egingo ez gaur arratsaldean ez bihar egun guztian.



17 makina dituzte hitzartuta hango enpresa batekin. Makina horiek direla eta joan ziren Iranera domekan irtenda hamar egunerako. Kargu altuko jendea da istripua izan duena.



Bihar goizean batzarra dute Fagor Arrasaten.

Abioia Tupolev bat da. Teheranetik atera zen goizeko 7:30etan (Euskal Herrian 5:00ak). Helmuga: Jorramabad.



Iraneko abiazio zibilak ateratako komunikatuan 117 lagunak hil direla adierazi dute, baina oraindik ez da berbarik ez eta komentario txikienik ere arrazoien gainean.



Oso zaila omen da istripua izan deneko lekura heltzea. Menditsua da lekua. Alpinistak beharko dira haraino heltzeko.



Abioia Iran Air Tours enpresarena da eta radarretik kanpo geratu omen da hiriburua eta Jorramabad arteko bidea egiten ziharduenean.



Ez da istripu bakarra izan. Azkenengo urteetan hainbat istripu izan dituzte Iraneko hegazkinek. Dirudienez nahiko zaharrak dira hegazkinok eta mantenimendurako ere arazoak zituzten.

Hauek dira istripua izandako lau Euskal Herrikoek zituzten karguak beti ere Fagor Arrasate-ren barruan

• Julio Ibarra Pastor (Asiako komertzial zuzendaria) Beasainekoa, 49 urte.


• Jesus Maria Olazabalaga Uribe (I+D kalitate zuzendaria) Arrasatekoa, 59 urte.


• Juan Carlos Goikoetxea de Migel (Erosketa zuzendaria) Aretxabaletakoa, 48 ute.


• Joseba Mirena Azkoaga (Proiektu kudeatzailea) Orozkokoa, 31 urte.

Jesus Cataniak (MCCko lehendakaria) prentsaurreko bat emango du laster medioen aurrean.

Gaur arratsaldean eta bihar egun guztian dolu eguna deitu dute Arrasaten, Markinan eta Donostian dituzten lantegietan. Ez da laneguna izango egun guztian.

Auto istripuren bat egon bada ere, Fagorren ez da horrelako istripurik inoiz izan. Hau izan da larriena.

>

> - Jesus Maria Olazabalaga Uribe (I+D kalitate zuzendaria) Arrasatekoa

>

Jesus Olazabalaga, Arrasaten bizi izan den arren Larrabetzuarra da sortzez. Ahalik eta denbora gehien egin izan du gure herrian beti. Herrian oso oso ezaguna. Lau seme alabaren aita (Beñat, Ainara, Lander eta Maialen).

Jesus besteak beste, oraindik orain hain bizi bizi dagoen Hori Bai gazte elkartearen sortzaileetakoa genuen.

Asteburuak beti Larrabetzun pasatzen zituen, nahiz eta lo bere Bediako baserrian egiten zuen.

Oso karta jokalari trebea, eta adin guztietako lagunekin olgetan zuen Foteri tabernan zein beste taberna batzuetan.

Herriko txikitero kuadrilako laguna...

1500 biztanleko herri txikia da gurea, eta guztiz atsekabetuta dago gaur. Are gehiago datozen egunotan, luzea izango baita itxaron beharko dugun hau.

Aupa Beñat, Ainara, Lander eta Maialen! Musu bana.

Iazko maiatzean, Iraneko Parlamentuak Gobernuari eskatu zion neurriak hartzeko 30 lagun hil ziren istripu baten ostean. 30 lagun horien artean zeuden Garraio Ministroa eta 7 legisladore. Errusian egindako "Yak 40" erako abioia zen.



Uztailean ere izan zen beste istripu bat Tupolev 154 batekin. Orduan 133 pertsona hil ziren, Irkutsk-en izandako istripuan.



Oraindik 530 Tupolev daude hegan. Martxan daudenetik 28 abioik izan dute istripua.



Oraingo istripua oraindik ezin da jakin zerek eragin duen. Haizete handia ei zegoen eta hegazkinak lurra har zezan behin baino gehiagotan saiatu omen ziren. Chenguini mendiaren kontra jo zuen hegazkinak inork ez dakien arrazoiengatik. Chenguini mendia Jorramabadetik hego-mendebaldera dagoen mendia da.

Zaragozan ere izan da beste istripu bat. Altsasuar bat hil da, Tomas Insausti Auzmendi, Ataunen jaioa. Triman enpresarentzat lanean ziharduen tubo bat eusten zuen katea apurtu zenean. Hodi hau grua baten zegoen, alturan, eta lurrera jaustean gertatu zen istripua. Hauek ere ez dute lanik egingo gaur ez bihar, protesta gisa.

Kale agerraldia Bermeon

ELA, LAB, ESK, eta STEE-EILAS-ek Bermeoko portuaren aurrean egingo dute protesta ekintza. Horrekin, otsailaren 7an furgonetarekin itsasora jausi zen laguna omenduko dute Tomas Insaustirekin batera.

Aurrean aipatutako sindikatuen hitzetan: Honek erakusten du ez gaudela batere seguru lanean.

Kale agerraldia Sestaon

ELA, LAB, ESK, eta STEE-EILAS-ek alde batetik eta bestetik UGT, CCOO ETA USO-K kale agerraldia egin zuten 25 urte zituen Adm Sinanaj gogoratzeko. Adem Sinanaj 25 metrotatik jausi zen Sestako Navalean.

Irango hegazkin-istripuan Fagor-eko lau langile hil direla-ta, badirudi zenbait komunikabidek (eta irakurlek) oraintxe jakin dutela euskal industri-gizon/emakumeak hor zehar ari direla "eman ta zabal zazu munduan frutua".



Atzo Euskadi Irratiaren esatari batek galdetzen zuen mikrofono aurrean ea "normala ote den euskal langile-taldeak munduan zehar negoziotan aritzea".



Harrigarria da gero zein gutxi pentsatzen dugun sarritan. Edozein egunetan irakurri ohi dugu 700 inguru direla euskal inplantazioak mundu zabalean edo euskal industriaren %50a esportatu egiten dela (bi bilioi peseta inguru), eta ez dugu kontutan hartzen zenbat jende mobilizatu behar den egunero merkatu horren eskariari erantzun ahal izateko.



Industria da gaur egun gure fedea eta industrilariak gure misiolariak.



Amatiño