Euskarazko web orrien zerrenda kaleratu du Donostiako Euskararen Udal Patronatuak

15.000 aleko argitaraldia egin da eta nagusiki Donostiako ikastetxeetan, unibertsitatean, akademietan, kultur etxeetan eta liburutegietan banatu dira.

Azken urteetan Internetek izan duen hedapena dela eta, Euskararen Udal Patronatuak lagungarri ikusi du herritarrentzat euskarazko web orrien helbideekin gida bat osatzea eta, era berean, zenbait erakunde, elkarte eta partikular egiten ari den ahalegina ezagutzera ematea.

Gida honetan jasotzen den informazioa eguneratzen joateko asmoa dago, etengabe aurkezten baitira web orri berriak. Hori dela eta, edonork izango du bere web orriaren berri gida honetan emateko aukera Euskararen Udal Patronatuarekin harremanetan jarriz gero.