Legala da CD-ak kopiatzea?
2002-01-16 12:01
Kriptopolisen irakurri dut albistea. CD hutsak erostean SGAE autoreen elkarteari parte bat ordaintzen omen zaio.
Izan ere, TRAXDATA enpresak 1997. urtetik saldu dituen CD bakoitzeko hainbesteko bat ordaindu beharko dio SGAE-ri, Bartzelonako epaitegi batek erabaki duenez.
Kriptopoliseko edo Barrapuntoko albisteak irakurtzen badituzu, bi argudio interesgarri azalduko zaizkizu:
- Nik CD-ak nire ordenagailuko gauzak gordetzeko erabiltzen baditut, hirugarren baten egile eskubideen menpe ez dauden datuak: nire argazkiak, nire sistemaren asteroko seguritate kopia, lagun batek utzi didan Linux distribuzioa (Copyright gabekoa)... Zergatik ordaindu behar diot SGAE-ri diru hori? Noiz itzuliko didate?
- Edo beste aldetik begiratuta... Orduan, SGAE-ek eskatzen duen diru hori ordaintzen dudanez CD huts bakoitzean, nahi hainbat CD kopiatu ditzaket? Lasai egon naiteke beraz, Mikel Urdangarinek jasoko baitu SGAE-ren bidez, nik CD huts batetan ordaindu dudan kanon hori?
Erantzunak kargatzen...
