Teknofiloen albistegia

Katedra, pertsonalizatutako zientzia edukiak mugikorrean

Erabiltzailearen aurpegia
2017-07-17 : 15:55

Kultura Zientifikoko Katedrak mugikorrerako aplikazioa garatu du: Katedra. Zientziaren inguruko albiste, ekitaldi, bideo, podcast eta Kultura Zientifikoko Katedraren gune guztien edukiak mugikorrean ikusi eta dastatzeko norberaren neurrira. Hiru hizkuntzatan eskaintzen da: euskaraz, gazteleraz eta ingelesez.

Katedra aplikazioa Codesyntax enpresak burutu du, Android eta iOS sistemetan dago eskuragai eta honen bidez Zientzia Kaieran, Cuaderno de Cultura Científican, Mujeres con Ciencian, Mapping Ignorancen eta Zientzia.infon argitaratzen diren albisteak, ekitaldiak, podcastak, bideoak eta agenda daude eskuragai.

Behin instalatuta aplikazioaren hizkuntza ezarri eta intereseko edukietara harpidetu daiteke. Gaika eta hizkuntzaren arabera aukeratu daiteke zer nolako edukiak eskuratuko diren. Euskarazko, gaztelerazko eta ingelesezko edukietara harpidetzeko aukera eskaintzen du aplikazioak, baita, hizkuntza bat baino gehiagokoetara.

Gaiei dagokienez, hamabi aukera daude: Matematikak, Fisika, Kimika, Biologia, Geozientziak, Astronomia, Neurozientzia, Medikuntza, Teknologia, Historia, Zientziaren filosofia eta, azkenik, Generoa eta zientzia. Edozein gairi harpidetu daiteke, baita guztiei ere.

Lau atal nagusi ditu aplikazioak: Inboxa, Blogak, Agenda eta Bideoak.

Inboxa

Hasiera batean hutsik egongo da atal hau, harpidetutako gai eta hizkuntzan argitalpen berria dagoenean notifikazioa jasoko da eta, hau irekita, bertan biltegiratuko da edukia.

Blogak

Blogak atalean Kultura Zientifikoko Katedraren bost blogetara sarrera zuzena dago, aplikazioan bertan nabigatu ahal izateko.

Agenda

Agenda atalean ekitaldiak zerrendatzen dira, harpidetutako hizkuntzakoak.

Bideoak

Kaleratutako bideoak, argitaratu heinean agertzen dira hemen.

Udan zientziaz gozatzeko aukera eskura izango duzu Katedra aplikazioarekin. Disfrutatu!

Erantzun

Twitter ikonoa  Facebook ikonoa  Sartu

Publizitatea

Azken erantzunak

Erabiltzailearen aurpegia
Goizean albiste hau argitaratu dugunean akats h... (Sustatu.eus)
Bilbo Hiria Irratiaren 20 u..., 2017-11-10
Kaixo, lagunok: Irale-n lan egiten dut( irak... (pelloaranburu)
Aldaketa nabarmenak Euskalb..., 2017-10-30
Erabiltzailearen aurpegia
Badirudi arazoa bezero inplementazioan dagoela,... (Aitzol)
Adi! Etxeetako routerretan ..., 2017-10-16
Erabiltzailearen aurpegia
Publikatu dituzte erasoaren xehetasunak https:... (Aitzol)
Adi! Etxeetako routerretan ..., 2017-10-16
Erabiltzailearen aurpegia
turismoa airb (dabid aldama)
Airbnb-ren eragina Donostia..., 2017-09-29

»» Jardun osoa