VIII Euskal Soziolinguistika Jardunaldia (2016/06/03)

VIII Euskal Soziolinguistika Jardunaldia izango da datorren ostiralean, ekainaren 3an, Donostiako Eureka! Zientzia Museoan, Euskararen bilakaera soziolinguistikoa (1981-2011) izenburupean.

Jardunaldia Eusko Jaurlaritzaren eta Soziolinguistika Klusterraren artean egindako egitasmoaren emaitza da; azken 30 urteotako euskararen egoera sozialaren azterketa egin da, fokoa jarrita ondorioztatu daitekeen diagnostikotik, etorkizuneko erronkei aurre egiteko bideak asmatzeko helburuarekin.

Xede horrekin, Iñaki Martinez de Luna, Xabier Erize eta Mikel Zalbide soziolinguista ezagunek oinarrizko txostenak idatzi dituzte honako gai zentral hauen inguruan: Euskararen transmisioa eta gaitasuna, Euskal herritarren portaera linguistikoen motibo subjektiboen bilakaera, eta, Mintzajardunaren azken urteotako bilakaera. Hausnartu eta eztabaida plazaratzeaz gain, egile guztiek planteatu dituzte etorkizuneko erronkei aurre egiteko hainbat proposamen.

Txosten horiei iruzkin-artikuluak egin dizkiete hainbat adituk, eta horiek guztiak izango dira euren VIII Euskal Soziolinguistika jardunaldian. Lan horiek guztiak argitaratuko dira BAT Soziolinguistika Aldizkarian urtea amaitu baino lehen.

Honakoa izango da jardunadiaren egitaraua:

08:45:               Dokumentazioaren banaketa

09:00                Harrera-ekitaldia

09:15                Sarrera-hitzaldia. Patxi Baztarrika (Eusko Jaurlaritzako Hizkuntza Politikarako Sailburuordea)

09:30                Euskararen transmisioa eta gaitasuna, eta aurrera begirako erronkak

Aurkezpena: Iñaki Martinez de Luna (soziolinguista).

Mahai-ingurua: Iñaki Iurrebaso (soziolinguista), Patxi Juaristi (EHUko irakaslea) Jon Aizpurua (EJko HPSko Plangintza eta Azterlanetako arduraduna),  Iñaki Martinez de Luna.

10:45                      Atseden-kafea

11:15                      Euskal herritarren portaera linguistikoen motibo subjektiboen bilakaera (1991-2015), eta aurrera begirako bideak

Aurkezpena: Xabier Erize (soziolinguista).

Mahai-ingurua:. Jone Miren Hernandez (EHUko irakaslea), Iñaki Martinez de Luna (soziolinguista), Nekane Arratibel, Asier Irtizar, Joxpi Irastorza (Mondragon Unibertsitatea, HUHEZIko irakasleak) Xabier Erize

12:30                      Mintzajardunaren azken urteotako bilakaera. Aurrera begirako erronkak

Aurkezpena: Mikel Zalbide (soziolinguista).

Mahai-ingurua: Olatz Altuna (Soziolinguistika Klusterreko teknikaria), Lionel Joly (Euskaltzaindiko teknikaria), Xabier Aierdi (EHUko irakaslea), Mikel Zalbide.

13:45                      Amaiera

PARTE HARTZEA DOAKOA DA baina ezinbestekoa da IZEN-EMATEA, HEMEN