Antzinako euskarari buruzko aurkikuntza garrantzitsu baten berri eman du gaur Aranzadi zientzia elkarteak. Arangurengo Irulegi mendia aztertzen ari zirela (Nafarroa), esku baten itxurako pieza berezi bat topatu zuten, Kristo aurreko I. mendekoa. Ahurrean idatzirik darama hizkuntza baskonikoan orain arte agertu den testurik zaharrena eta luzeena.

Durangoko finalaurrekoan, Aitor Bizkarraren ganbarako lana. Hau izan da BTN22ko finalaurrekoetako lehen itzuliko ganbarako lanik puntuatuena (153,5). Erreferentzietan, Mec de la rue esamoldea eta Flow 2000 abestia, Bizkarrak berak esana oso gustoko duela, eta ekarri zuela bertsoetara, "atmosfera kultural bat, erreferentzia-sistema oso bat" iradokitzen zuelako.

Barrionuevo Espainiako barne-ministro ohiaren azken elkarrizketa mingarriarekin ohartu dira batzuk egindako kaltea aitortzearen garrantziaz. "¡Secuestrad a Larretxea!" aginduak "¡ETA, mátalos!" hura gogorarazi digu hainbati, estatuaren baliabideekin egindako delituak izatearen larrigarriaz. Espainiako hedabideetan hain asaldura txikia eragin duten adierazpen higuingarri horiek, Memoriaren Egunaren ingurumariek, Imanol kantariaren heriotzaren urteurreneko zirrarek...

Ongi etorri Mattapoisettera. Komunitate libertario eta harmoniatsua. Klasea eta generoa abolituta geratu dira hemen, teknologia neurriz erabiltzen da eta soilik guztien onurarako. Buru osasuna bereziki zaintzen da Mattapoisetten, hainbat terapia daude eskuragarri, eta baita "atseden mentalak" hartzeko paradak ere.

Euskaltzaindiaren ohar bat, Behobia-Donostia lasterketa ospetsua dela-eta (gaur da 2022koa), tarteka horrelako esaldiak aurki daitezkela eta hedabideetan: "Dorsalak bularrean jarriko dira tolestu gabe, ikus daitezen", "Mendi-lasterketaria, suhiltzaile profesionala eta ekintzailea da". Okerrak omen daude, adibidez, bi esaldi horietan. Akademiak diosku laster egin, lasterka egin, korri egin eta korrika egin arautu dituela aditz gisa eta ‘laster egiten duena’ edo ‘lasterketa batean parte hartzen duen pertsona’ izendatzeko, lasterkari edo korrikalaria dela. Eta gauza gehiago.

La Casillatik abiatu da larunbat arratsalde honetan EH Bilduk antolatu duen manifestazioa eta milaka pertsona mobilizatu dira "euskal olatu erraldoian", Euskal Herriak egungo krisialdiari aurre egiteko duen gaitasuna erakutsi eta gaurko errealitatea iraultzeko xedez. Horretarako oinarri, "askatasuna eta berdintasuna". 'Independentzia' oihuen artean hasi da @ehbildu ren manifestazioa Bilbon.

Gure bizitzari estuki lotuak dira Imanolen kantak. Hau ez da gure meritua, amaren oparia baizik. Oraindik ere kantuotako hamaikatxo punchline ditut iltze gisa azalaren barnean. Transmisioa esaten omen diote. Gurasoak Gipuzkoatik Nabarrara aldatu zirenean asteburuero egiten genuen joan etorria eta Berriozar atzean utzita beharrezkoa zen "Lau Haizetara... Donostiatik Iruñera" boz gora ematea.

Berdin zait, pasadan, jende hori guztia eguzkitako betaurrekoek erabat estaltzen ez didaten nire aurpegi zargalduaz jabetzen bada. Berdin zaizkit beroa, eta klima aldaketa, eta hilabeteen eta urtaroen arteko dantza ero hau. Udazkenak zeharkatu izan banindu bezala hartu bainau azaroak, barrua hustuta eta kanpoa zimelduta.

Ulertzen dut pertsonak gogoratzeko data borobilak hautatzearena. Ezker-eskuin zeharkatzen naute efemerideek neu ere, hainbeste, ez baitut jakiten egunekin zer egin ez badira zerbaiten urteurren. Horregatik egiten zait ulergarria Imanol maite dutenek 75 zenbakia hautatzea ere. Baina zifra nik hautatu beharko banu, 73 litzateke.

Euskal Herri osoa aintzat hartuko duen egitura "egonkor eta iraunkor" bat sortzea proposatu du Euskalgintzaren Kontseiluak, helduen euskalduntzea eta alfabetatzea koordinatuko duena eta Eusko Jaurlaritzak, Nafarroako Gobernuak, Euskararen Erakunde Publikoak, Euskaltzaindiak eta herri ekimeneko euskaltegiek osatua. Aize Otaño AEK-ko kideak eta Joxerra Olano IKAkoak aurkeztu dute proposamena, Gasteizen, euskararen jakintza unibertsalizatzeari buruzko jardunaldietan.

Araba, Bizkai eta Gipuzkoarako Hezkuntza Lege berri bat izango dugu laster, eta horri begira itxaropenak bezala, zalantza eta kezkak sortu dira. Bakoitza bere lubakian jartzea da aukeretako bat; edo elkarlanean jardun eta gaiak perspektibarekin begiratu eta aztertzea beste bat. Ikastolok bigarren horretan kokatu gara.

Ceutatik omen zetorren 1936ko uztailaren hastapenetan Lodosan lur hartu zuen zirkua. 50 bat lagunek osatua zen, artista eta langile. Denen buru, Aristide Anastasini izeneko italiar bat, neguko kanpaina Afrika iparraldean ematen zuena, eta udaberrirako penintsulara egiten zuena jauzi, puntatik puntara zeharkatzeko. Gibraltarko itsasartearen bestaldeko espainiar kolonietan kontratatutako artistekin heldu zen Erriberara.

Azalpen bideoak, libreak eta euskaraz.

Ez dago ilunik argirik gabe, eta Arrate Egañak (Errenteria, Gipuzkoa, 1963) eskala osoa jaso nahi izan du Itzalen distira liburuko ipuinetan (Erein). Ezohiko egoeretan harrapatutako pertsonaiak marraztu ditu, eta sakrifizioaren orbana sumatzen du denengan: oroitzapen lazgarri bat atzean uzteko beharra duen preso ohia, aitaren hileta elizkizuna fede krisi betean dagoen apaizaren esku utzi nahi duen andre ateoa, fikzioaren adikzioak zulo batean sartu duen emakumea...

Bihar abiatuko da #PANTAILALDIA, euskarazko ikus-entzunezkoen kontsumoa eta ekoizpena sustatzea eta erakundeak mugiaraztea helburu dituen ariketa-kolektiboa! Behealdeko galdetegia bete eta eman zuk ere izena! Goazen euskaraz bizi nahi dugula ozen adieraztera! Eman diezaiogun, guztion artean, astindu eder bat gaiari, kalean, lanean, lagunartean, etxean, sareetan...!