Lander Garro kameraren edo ordenagailuaren atzean aurkituko dugu gehienetan. Idazteaz, zinemaz eta sare sozialez hitz egin dugu harekin, besteak beste. ALBISTEAK MUGIKORREAN Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan! WHATSAPP: Bidali ALTA 688 69 00 07 telefono zenbakira -Whatsapp bidez-.

Nekatuta eta etsipenez mintzatu da Ruth Gonzalez Santo Tomas, azken zazpi urteotan Lesakako Lehen Mailako Arretako zuzendari izan dena. Nafarroako Osasun Zerbitzuan eta arduradunengan «konfiantza galdu» duela adierazi du eta ez du «gestio txar horren ageriko aurpegia izaten» segitu nahi. Jakinarazi duenez, abenduaren 31n utziko du zuzendari kargua eta Etxalarko eta Berako medikua izaten segituko du.

Wikipedia, Entziklopedia askea T baskonikoa idazkera iberikoen ipar-ekialdeko aldaeran gutxi batzuetan agertzen den zeinu grafiko bat da, T izendatu izan dena bere itxuragatik ( T latindar larri baten forma bera du). Baskoiekin lotutako testu idatzi iberiarretan agertu delarik, eta handik kanpo apenas, baskoien hizkuntzako soinu berezi bat adieraz dezakeela pentsatu izan da.

Bileran egon ziren zenbait pertsonak kontatu diote ARGIAri gertaturikoa. "Gaia oso teknikoa dela argudiatu zuen, a zer nolako argudioa! Euskaraz gai guztiei buruz ezingo bagenu hitz egin bezala", dio haserre zuzendarietako batek. Pedrosaren hitzen ostean, ikastola bateko zuzendaria altxatu egin zen, bere hizkuntza eskubideak urratzen ari zirela eta bilera gaztelania hutsez eginez gero atera egingo zela adieraziz.

Dozena bat presondegitan espetxeraturik diren 170etik gora euskal presoek gutun bana jasoko dute hurrengo egunotan, Irlandatik datorrena hain zuzen ere. Ohi bezala, lagun irlandarrek bidali dizkiete, ahalik eta Gabon garaia zoriontsuena opa eginez eta 2023a emankorra izateko gogoa helaraziz. Elkartasun ekimena da, urtero errepikatzen dena.

Sarerekin batera ELA, LAB, ESK, Steilas, Hiru eta EHNEko ordezkari eta kideak egon dira mobilizazioan Donostian. 'Langileok bidean gara presoak etxeratzeko' zioen pankartaren atzean ekin diote mobilizazioari, Easo plazatik abiaturik. Bi helburu nagusiekin atera dira kalera: batetik, salbuespenezko espetxe politiken kontra eta bestetik, urtarrilaren 7ko mobilizaziorako motorrak berotuz.

94 urte zituela, astelehen honetan hil da Jexuxa Arostegi Beraza, Joxean Lasa zenaren ama. 1983an semea bahitu, torturatu eta hil zutenetik gerra zikinaren ikur bizia izan da Arostegi, bai urteroko oroimen-ekitaldietan, bai 1999. urtean Madrilen eginiko epaiketan, bai eta diputatu hautatu gisa ere. 1996. urtean gertatu zen azken hau.

Argia agerkariaren efemerideetan, gogorakizuna: Gaurko egunez, 1973ko abenduaren 20an, ETAren Txikia komandoak Luis Carrero Blanco hil zuen Madrilen. Frankismoaren gobernuko presidentearen aurkako atentatua Ogro operazioa deituko zuten. Bera pasa ohi zen kale baten azpian ia urtebetez tunela zulatu eta lehergailu bat leherrarazi zuten. Frankismoari emandako kolpe gogorra izan zen, bera baitzen figura politiko nagusia hiltzear zen Francoren ostean.

Kontua, berez, koliseoan biltzen ziren erromatarrak bezain antzinakoa da; eta antzinakoa denez ez da zaharra, funtzionatzen segitzen du. Zerbaitengatik izango da. Milaka pertsona joan den igandean, bertatik bertara edo telebistaz, finalari pega-pega eginda, emozioz gainezka, bizitza jokoan balute bezala. Jendetzaren aurrean lehiatzera ateratzen direnen eta publikoaren artean sortzen den harreman arraro hori ulertzekotan, ez bilatu gehiago, sinekdokea da hitza.

Biribilguneetako belarra zuri-zuri. "Egun hotz on", Iruñeak. "Goizeko 07:20tik gaude ilaran", ezagun gorbezituak, Nafarroa Arenako atarian. Eraikin barruan joan dira denen hotzak, epel dago 09:00etan koliseo karratu hau, hutsa egonik ere. Ikusteko dago zenbat bero sortuko duen egunean zehar espero den fusio erreakzioak. Tokia hartu, trasteak aparkatu, komunak eta taberna non dauden kontrolatu.

Realak eta Tokushima Vortisek, J2 League-an joktzen duen klub japoniarrak, akordio bat lortu dute eta, horren bidez, talde txuri-urdinak prestakuntza eta metodologia arloko aholkularitza-zerbitzuak eskainiko dizkio Japoniako erakunde horri datozen hiru urteetan. Akordio horren ondorioz, Realak kirol-aholkularitzako zerbitzuak emango dizkio Tokushima Vortisi eta, era berean, aholkularitza-zerbitzuak emango dizkio merkataritza eta negozio-gaietan.

Amets Arzallusen ganbarakoa ('Ez dago B planik') gaia emanda, BTN22ko finaleko azken buruz burukoan. Haur trans bat duen guraso baten lekuan jarri zen Arzallus eta bertso honekin itxi jarduna:

Duda argitzeko berriz
hitzak zirri-zarra
“ez aita, ezta B planik
hautsi lege zaharra”
zer da neska, zer mutila
zer eme, zer arra?
Nor demontrek ekarri du
zehaztu beharra
gurasoa ohi da haurren
lehen hezkuntz adarra
baina guk Hegoaldean
daukagu Iparra
harengandik ikastea
da bide bakarra.

Twitterren jasotako erantzun batzuk geratu dira hemen gordeak, ikuspegi transfobokoak. Batzuei ez zaie gustatu bertsoaldi hau. Baina jendeak txalo-zaparradarekin hartu zuen Iruñean.

Latza izango zela iragarri du arratsaldeko agurrean Aitor Mendiluzek eta halaxe izan da gaur Iruñean jokatu den finala. Maila altuko bertsoak entzun ahal izan dira, ibilbide desberdineko bertsolariak batu dituen aldian. Maialen Lujanbio iritsi da zuzenean finalera, azken irabazle gisa, eta haren ondoan eseri dira Alaia Martin, Nerea Ibarzabal, Beñat Gaztelumendi, Amets Arzallus, Aitor Mendiluze, Joanes Illarregi eta Sustrai Colina.

Hirugarrenez, Maialen Lujanbiok irabazi du Bertsolari Txapelketa Nagusia. Berriz ere, Amets Arzallusen aurka. 2009an, 2013an eta 2022an bi bertsolari horiek jokatu dute finaleko azken fasea, buruz burukoa: 2009an Lujanbiok irabazi zuen, 2013an Arzallusek, eta gaur, Lujanbiok. Iñaki Muruak jantziko dio txapela.