Perseverance Roverrak iraganean bizitza egon delako zantzuak aurkitu ditu Marten

Geologoek eta planeta-zientzialariek ezaugarri desberdinak nabaritu dituzte Cheyava Falls deitu duten arroka honetan. Planetaren iraganeko klimari, uraren presentziari eta bizigarritasun potentzialari buruzko argibideak eman ditzake. Baliteke mikroorganismoak bizi izana iraganean, duela mila milioika urte.

Rover-en SHERLOC (Scanning Habitable Environments with Raman & Luminescence for Organics & Chemicals) tresnek Cheyava Falls-en miaketa anitzek konposatu organikoak dituela adierazten dute. Karbonoan oinarritutako molekulak bizitzaren eraikuntza-bloketzat hartzen diren arren, prozesu ez-biologikoen bidez ere sor daitezke. Horretaz gain, bertatik ura igaro zelako zantzuak topatu dituzte.

Harkaitzaren luzeran zehar kaltzio sulfato zuriko zain handiak daude. Zain horien artean material-bandak daude, eta kolore gorrixkak hematitaren presentzia iradokitzen du, Marteri herdoil-tonu bereizgarria ematen dion mineraletako bat.

Etorkizuneko giza misioetan eta balizko kolonizazio ahaleginetan zuzenean eragiten du. Arroka honek iraganeko uraren edo bizitzarako beste baldintza egokien frogak erakusten baditu, Marte garai batean bizigarria izan zela frogatzeaz gain, bizitzaren jatorriari buruzko hainbat fundamentu zientifiko alda ditzake aurkikuntzak.