DOK Summit biltzar teknologikoa datorren astean Bilbon

GAIAk eta ESLEk antolatu dute DOK Summit, Eusko Jaurlaritzaren, Bizkaiko Foru Aldundiaren, SPRI Taldearen, Bilboko Udalaren eta EJIEren laguntzarekin.

Egitarauko puntu nagusiak dira, azaroaren 11n, "eraldaketa digitala eta merkatua" goiburuarekin, honako hauek:

• IA Generatiboa: Brain & Code-ko Alex Rayón honetaz mintzatuko da, eta teknologia hori enpresek berritzeko eta jarduteko duten modua nola aldatzen ari den azalduko du.
• Adituen panela, Eclipse Foundation-eko Javier Valiñok moderatua: Open Source-k eta subiranotasun digitalak Europan duten zeregina jorratuko du, eta arlo horretako nazioarteko liderrak bilduko ditu.
• Telefonicako Laura Lacarrak digitalizazioa enpresen arrakastarako faktore giltzarri nola bihurtu den azalduko du.
• Bigarren iraultza kuantikoak industrian izan duen eragina eztabaidatuko dute, Cybertix/Cybasque-ko Xabier Mitxelena berrikuntza kolektiboaren alorrean bezalako erreferenteek, Tecnaliarekin eta eta Ayesa-Ibermática eta Oesia bezalako enpresa adituek.
• Zibersegurtasunean, Ana Ayerbek (Tecnalia) sakonduko du nola indartu dezakeen Europak bere erresilientzia zibermehatxuen aurrean, adimen artifizialaren laguntzarekin.
• Cristina Arandak (MujeresTech) egituratu gabeko datuen potentziala aurkeztuko du, bai eta IAk bere automatizazioa nola eralda dezakeen ere, enpresetan balioa sortzeko.
• Arrakasta-kasuen artean, nazioarteko enpresa handiek (AWS, Telefónica, Air Europa edo Red Hat) gidatutako eraldaketa-proiektuak nabarmentzen dira, bai eta hainbat sektoretan punta-puntako proiektuak dituzten tokiko enpresa eta erakundeenak ere, berrikuntza teknologiko aplikatuko esperientziak partekatuko dituztenak.

Eta azaroaren 12an, bigarren egunean, , talentu digitala eta horrek enpresen etorkizunean izango duen eragina aztergai. 

• Begoña Pedrosak, Eusko Jaurlaritzako Hezkuntza sailburuak, Euskadi talentu digitalaren garapenean erreferente gisa ikusiko du.
• Sektore teknologikoak talentu-defizitari egin behar dio aurre, eta Miguel Ángel Durán bezalako adituek IT sektoreko profesional onenak nola erakarri eta kudeatu aztertuko dute.
• Deustuko Unibertsitateko Lorena Fernándezek IAko alborapenen arriskuak azalduko ditu, eta gaur erabiltzen ditugun algoritmoek nola eragiten duten azalduko du.
• STEM talentua lurraldean sortzeko, erakartzeko eta atxikitzeko Bizkaiak duen estrategiari buruzko mahai-inguruan enpresetako eta erakundeetako erreferenteak bilduko dira, hala nola Iberdrola, euskal erakunde publikoak eta Bizkaia Talent, talentu digitala lankidetzaren ikuspegitik nola bultzatu aztertuko dutenak.
• STEM prestakuntzan adituak diren Teach for All-eko Egoitz Etxeaundiak eraldaketa digitalak talentuaren garapenean duen garrantzia azpimarratuko du.
• UPV/EHUko Marta Machok eta Ikerlaneko Edurne Palaciok gidatutako teknologiako emakumeen talentuari buruzko panelak etorkizun digitalaren eraikuntzan emakumeek duten paperaz eztabaidatuko du.

Informazio gehiago: https://doksummit.eus/