IEB 2024 datorren ostegunean "Adimen Artifizial Sortzailea" gaitzat hartuta

IEB topaketen 13. edizioa da aurtengoa eta Adimen Artifiziala hartuko dute gaitzat, AA sortzailean jarrita fokua: teknologia honek informatikan eta programazioan izan duen eragin sakona aztertuko dute, bai eta datozen urteetan aurre egin beharreko erronka eta aukera berriak ere.

Egitaraua

08:30 - 09:00. Harrera eta dokumentazio banaketa.

09:00 - 09:10. Ongietorria eta jardunaldiaren aurkezpena.

• Aitor Bengoetxea Alkorta (UEUko zuzendaria)
• Aitzol Astigarraga Pagoaga (jardunaldiaren koordinatzailea)

09:10 - 10:00. Hitzaldia: Adimen artifizial sortzailea: historiatik eta histeriara? Mikel Artetxe Zurutuza (Reka-ren sortzaileetakoa eta EHUko Ixa taldeko eta HiTZ zentroko ikertzailea)

10:00 - 11:00. Softwarea garatzeko eta ikasteko bide berriak.

• Adimen Artifiziala Lanbide Heziketan: ikaskuntza aberasteko erronka. Iñaki Telleria Olabarrieta eta Rakel Alonso Artola (Tknika).
• Low-code eta Mendix plataforma. Ainhoa Iturrioz (Abantail kooperatiba)

11:00 - 11:30. Atsedenaldia.

11:30 - 12:30. Laborategitik plazara.

• LLMtan oinarritutako soluzioak. Ander Corral Naves (Orai NLP)
• Zein da LLMrik onena? Naiara Perez Miguel (EHUko Ixa taldeko eta HiTZ zentroko ikerlaria)

12:30 - 14:20. Komunikazioak. Bi saio paralelo:

• Aplikazioak, esperientziak eta produktuak.
• Ikasleen Gradu Amaierako Lanak (GrAL) eta Master Amaierako Lanak (MAL) aurkezteko tartea.

14:30 - 15:30 Bazkaltzeko tartea.

15:30 - 17:00. Tailerra. Sofwarearen garapena LLMak erabiliz: 10 adibide praktiko Juanan Pereira Varela (EHU Informatika fakultatea, ONEKIN Research Group)

Komunikazioetan aipagarri

Komunikazioen tartean (12:30 - 14:20), pare bat kontu nabarmentzeko.

Batetik, ikasleen ekarpenak sustatu asmoz, aurkeztutako GrAL eta MAL azalpen guztien artean bi sari banatuko dira: lanik onena eta originalena. Saria horretarako eratutako epaimahaiak banatuko du egunean aurkezpenak aztertu ostean.

Bestetik, Urtzi Odriozolak (Sustatun egiten dugun CodeSyntax-eko informatikariak) azalduko du LibreTranslate itzultzaile neuronalari euskara irakasteko saioa. LibreTranslate aplikazioak eskaintzen dituen aukeren inguruan hitz egingo du eta aurrera begira sortu berri den euskarazko modela hobetzeko zer egin daitekeen, datu sorta libre gehiago nola sortu edota agian, itzulpen espezializatuagoak egiteko (software libreko aplikazioak, bideojokoak…) zein bide jorratu litezkeen aztertuz.