eLiburutegian irakurketa gero eta zailagoa dela salatu dute
eLiburutegia, Jaurlaritzaren liburutegi digitala, erabiltzen gero eta zailagoa dela eta errorez jositako alez betea dagoela salatu du zerbitzuaren erabiltzaile batek berriki Twitterren. Unaimy Twitterreko erabiltzailearen iritziz, "eLiburutegiak egiten dituen ahalegin guztiak liburuen kopiarik ez egiteko. Irakurketa edo bilaketa errazteko, edo testuak zuzentzen ordea ez dute denborarik galtzen. Balirudike ez dutela nahi jendeak irakurtzea."
Izatez, eLiburutegiaren funtsa ez da kopia digital kosturik gabeak errepikatzea, baizik eta kopia digitalak zailtzea: egile eskubideen parametroetan, banan-banan zenbatu behar dira zenbat liburu elektroniko banatzen diren, eta bakoitzaren erabilpena neurtu.
Unaimy-ren iritziz, honako traba zehatzak ditu zerbitzuak orain:
- ePub guztiak DRMarekin daude, irakurketa murrizteko software itxiarekin. Oso irakurgailu prezisoekin eta konfigurazio arraroetan bakarrik erabil daitezke horrela; zabalduen dagoen Kindle irakurgailurako kopia bat lortzea ezinezkoa da praktikan.
- Ale kopuru mugatua dute (absurdoa dirudi honek, baina hala da)
- Online irakurtzen baduzu testua ezin da kopiatu.
- Liburu askotan (gehienetan Unaimyren iritziz) gidoi luzeak "%20" moduan agertzen dira
- Oso mantso dabil webgunea eta irekitzen duzun guztietan login egin behar duzu.
- Webgunearen euskarazko interfacean akats asko
- Bilatzailea ez da batere erraza: Bilaketa eremuan betetze automatikorik ez, eta emaitzak hamarnaka agertzen dira bakarrik, beti "hurrengoa" sakatu behar
- Liburu batean baino gehiagotan soilik lehen orriak daude, gero dena zuri.
- Online irakurtzen baduzu eta letra taimainua aldatzen baduzu, apurtzen da.
Traba hauetarik askok zerrendatutako 3. puntuarekin dute erlazioa, uste dugunez: kopiatzea eragoztea da koxka, ez irakurketa sustatzea,. Eta hala ere, testu kopia posible da, ez bada Control-C eta Control-V prozeduren bidez, beste batzuekin...
Guztiarekin, trabak gainditzen erabil daiteke http://www.eliburutegia.euskadi.eus/?locale=eu eta gomendatzen dugu, irakurketaren alde. Sarbiderako gakoak lor ditzakezu, adibidez, gertuen daukazun EAEko liburutegi publiko batean eskatuz.
Gogoratu ikus-entzunezkoen sekzio bat ere baduela liburutegiak, eta ZerNonIkusi webgunean dute katalogatuta bertako edukia, dela euskarazko audioarekin edo/eta azpidatziekin.
Erantzun
Sartu