Jabetza pribatutik ezagutza kolektibora: lizentziei buruzko mahaingurua
"Jabetza pribatutik ezagutza kolektibora", izenburu horrekin mahaingurua antolatu dute Antzuolan datorren irailaren 28an, asteazkenarekin. Eduki lizentziei buruzko eztabaida edo kolokioa izango da, gai hau proposatuta: "Copyright, creative commons, domeinu publikoa; zein da diferentzia?"
Honela aurkeztu digute mahaingurua antolatzaileek ohar batean:
Hitz potoloak izan ohi dira eta askotan nagia sortzen dute horiei buruz informazioa bilatzeak, bada, bide horretan lagundu asmoz antolatu dugu saio hau. Copyright, Creative Commons eta domeinu libreko lizentzien arteko desberdintasunak eta berezitasunak ezagutzen hasteko hitzaldi-tertulia izango da.
Kontestu pixkat gehiagorako, Argiak berriki ateratako erreportaia: Eztabaida dago edukien partekatzeaz.
Irailaren 28ko mahainguruko partehartzaileak izango dira:
- Iban Arantzabal, Tokikom
- Aiora Mujika, Euskarazko Wikipedia
- Iosu Isaias Villanueva, Mukuru kolektiboko musikaria
- Mikel Larreategi, software libreko garatzailea, Sustatu ere egiten duen CodeSyntax enpresakoa.
Non, noiz: Irailak 28, 18:30etan, Antzuolako Torresoroa aretoan.
Eta denontzako lagungarri, hurbildu nahi baduzue, lizentzia libreen inguruko koadroa, Argiako erreportaia horretan eta Wikipedian aurki daitekeena:
Erantzun
Sartu