Irailean Mihiluze lehiaketa itzuliko da ETB1era
Oraindik zehaztu gabeko data batean itzuliko da uda ostean Mihiluze lehiaketa telebistara. 21.30etatik aurrera astelehenetik ostegunera emango dute, 21.30etatik aurrera, ETB1en eta baita kanpotik ikusi ahal izateko moduan Eitb.eus-en. "Uda ostean" izango dela iragarri du EITBk, data zehatzik eman barik.
2006 eta 2013 artean egon zen antenan zortzi denboraldiz ETB1en, Ilaski Serrano eta Kike Amonarrizek aurkeztuta. Tribuaren berbak, Imintzioka, Esamesak... izen horiek zeuzkaten probak ezagunak bilakatu ziren urte haietan, betiere hizkuntzarekin, euskararekin, jostari agertzeko moduak esploratzen zirelarik. Antzeko proba eraberrituak ikusiko ditugula aurten esan du EITBk.
Berpizkunde honetan nork aurkeztuko duen ez dute aurreratu, baina Kike Amonarrizek fase berri honetan aholkulari gisa jarraituko duela jakinarazi zuen Orio Produkzioak ekoiztetxeak, Berriak aurreratu zuenez.
Lehiaketan parte hartzeko, jokalariak behar dira, eta casting-ak laster abiatuko direlarik, izena eman dezakezue mihiluze [a bildua] orioprodukzioak.eus helbidean edo 660991766 telefono zenbakira deituta edo WhatsAppa bidalita.
/cache/Udako-Ola-2024_1_small_content.jpeg)
Erantzun
Sartu