Kontseiluak "adostasuna" eskatu dio Eusko Legebiltzarrari ikus-entzunezko legearen inguruan

Espainiako Ikus-entzunezko Lege Orokor berriaren inguruan Euskalgintzaren Kontseiluak duen posizioaren berri eman du Paul Bilbao idazkari nagusiak, Legebiltzarreko Kultura, Euskara eta Kirol batzordean, eta lege horren inguruan hizkuntza gutxituen aldeko beste zenbait eragilerekin batera egiten ari diren lanketa azaldu du. Legearen aurrelanketan aktiboki parte hartu dutela zehaztu du, eta hainbat "ekarpen" egin dizkiotela lege proposamenari.