Queer, heteropatriarkal, koronabirus, txantxiku, debagoiendar, portzierto, nezeser... Hitz horiek guztiak zuzenak izango dira aurrerantzean euskaraz. Euskaltzaindiak onartu dituen 592 forma berri eta 975 moldaketetako batzuk direlako. Miriam Urkia euskaltzain aretxabaletarrak, Euskaltzaindiaren hiztegiko arduradunak, azaldu du zeren arabera erabakitzen duten zer onartu eta zer ez.
