Teknologia albisteak

Indoeuropearren etorrerak euskal genetikan utzitako aztarna zehatz aztertu dute

Erabiltzailearen aurpegia
Sustatu
2021-03-17 : 13:30

Duela egun gutxi, Nature aldizkarian euskaldunen arteko Y haplotaldeen azterketa bat argitaratu da: The Y chromosome of autochthonous Basque populations and the Bronze Age replacement. Asier Gabikagojeazkoa hizkuntzalariak hari batean, azterketako puntu nagusiak nabarmendu ditu, eta hona ekarri ditugu artikulua irakurri ondoren. Gaur egungo euskal gizonezkoen Y kromosoman, duela 5.000 urteko gertaeren arrastoa dagoela baieztatzen du ikerketak.

Azterketa zehatz honek gizonezko euskaldunen Y kromosoma aztertu du bereziki, ezaguna baita berezitasun bitxi bat dagoela kontu horretan: euskaldun gehienek R1b haplotalde tipikoki indoeuropearraren aldagai bat dute Y kromosoman (zeina aldatu gabe transmititzen den patrilinealki).

Nature-ko ikerketak jatorrizko oker tonto bat zuen, bakarrik Bizkaia, Araba eta Gipuzkoako laginekin egin dutelako, baina hala ere, oso datu zehatzak eman ditu:

  • R1b haplotaldea oso oso hedatua dago gizonezko euskaldunongan, beste inon ez bezala.
  • Jatorri indoeuroparrekoa dela dudarik ez denez, inbaditzaile gizonezkoek populazio indigena batean ordezkapen maskulino ia erabateko bat egin zutela dirudi.
  • R1b haplotaldearen barruan Euskal Herrian aurkitutako aldaera desberdinak, espezifikoki hemengoak dira, eta oso sakonak denboran.
  • Ezarpenaren data, duela 5.000 urte inguru gertatu zen; orduan ezarri zen R1b delako haplotaldea oraingo euskaldunen arbasoen artean. Eta harrezkero, aldagai indigenetan eboluzionatu dute aldaera desberdinekin.
  • Y kromosoma "dagoeneko euskaldunen" hauek (duela 5000 urtetik hemen badaude...) antz handiena dutena beste Y kromosoma batzuekin: egungo irlandarrekin. (hori erakusten duen grafikoak ilustratzen du artikulu hau).

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago