EAEko Ondarearen webgunea berritu da, ondare ukiezinaren gehikuntzaz (dantzak, oraingoz)
Euskal Kultura Ondarearen Zentroak, Eusko Jaurlaritzaren baitako erakundeak, bere webgunea berrantolatu du. Lehendik zeuden ondare fitxez gain, atal oso berri bat osatzen hasi dira, ondare ukiezin edo inmaterialari dagokion atala, zeina dantzen inguruko informazioarekin osatzen hasi dira.
Ondare ukiezinari buruzko atal horretan, orraingoz euskal dantzei buruzko 443 erregistro dira, arlo horretako adituen lanari esker egindakoak, eta irudiak eta bideoak biltzen dituzte. Zatak elkartea, herri ondarea ikertzeko taldea, ari da lan hori egiten. Hona dantzen atala, eta adibide gisa, Eskuernagako makil-dantza baten berri.
Hurrengo egiten ari diren lana, erlazionatutakoa: landa-inguruneko inauteriei buruzko erregistroak ikusiko ditugu laster.
Tamala, EAEko informazioa dela, hiru probintziatakoa eta ez Euskal Herri osokoa.
Beste gehikuntza batzuk:
- Industria-ondarearen atalean, Industria Ondare Higigarriaren Gordailuko informazioa eta gordailu horretan gordetzen diren pieza batzuei buruzko interes handiko beste xehetasun extrak jarri dituzte.
- EAEko paisaiarik bereizgarrienak izeneko atala, baliabide naturalen ustiapenaren ondoriozko paisaiak edo Vasco-Navarro trenbidekoak tartean, adibidez.
- Unescok Munduko ondare deklaratutako ondasunak: Bizkaia zubia, Iparraldeko Donejakue Bidea eta labar-artea duten leizeak.
- Aurrekoarekion lotuta, Done Jakue Bideari dagokionez, ehun sarrera berri baino gehiago egin dira 8 etapatan zehar (Kostaldeko bidea dokumentatuta oraingoz). Atal horren mapa-bisualizazioari atera diogu pantaila-irudia artikulu hau ilustratzeko.
Bisitatu webgune berritua: https://www.euskadi.eus/app/ondarea-euskal-kultura-ondarea/
Erantzun
Sartu