Kantu Eskukadak, euskal kantagintza errapaso ilustratua
Gaztezulo aldizkariak eta Olrait Studiok ekoiztu dute Kantu Eskukadak liburua. 100 euskal talderen 100 abesti ilustratu ditu elementu bateratzaile bezala eskuak erabilita. Kantu eta taldea, haren hitzak, eta ilustrazio bana: Olrait Studioko Beñat Rodriguezek eginak dira marrazki horiek.
Eskuen sinbolismoa azaldu zuten liburuaren aurkezpenean: " Pandemia egoeran bete-betean gauden honetan, eskuaren kontzeptua oso sinbolikoa iruditu zaigu, etengabe gel hidroalkoholikoz bustirik dauden gorputzeko zati hauek geure egunerokoaren zutabe garrantzitsu bilakatu baitira. Egia da lehen eskuekin egin genitzakeen gauza garrantzitsu ugari orain pentsaezin bilakatu direla; besarkatu, eskua eman edota behin eta berriz garbitu gabe gauzak ukitu adibidez, baina aldiz, ahoak uneoro musukoaz estaliak dauzkagun honetan, eskuak, komunikatzeko tresna garrantzitsuan ere bilakatu dira. Liburuan topatuko duzuen Berri Txarrak-en Eskuak abestiak dioen moduan "Mezu hilak idazteko eskuak, elkarrekin sentitzeko eskuak, arriskua txalotzeko eskuak eta mundu hau jorratzeko eskuak."
Olrait Studio diseinu bulegoa Beñat Rodriguez diseinatzailearen marka da. Proiektu honen ernamuina Rodriguezen Instagram kontuan sortu zen, han hasi zen Olrait Studioren izena hartuta bere bi pasioak uztartzen, musika eta marrazketa.
Edizio zaindu bat da, ilustrazioak kentzeko trokel batekin datoz orriak, etxerako apaingarriak sortu ahal izateko horrela.
Hauxe kantu bana duten talde eta bakarlarien zerrenda:
Informazio gehiago: Gaztezulo.
Erosteko, gaurdanik Durangoko Azokaren dendan, edo Gaztezuloren webgunean, 25 euroan.
Erantzun
Sartu