Lehen hezkuntzarako gomendioak, Covid eragina dagoen tokietan

Harvard Global Health Institute delakoaren txostena uztailean prestatu zen. Erresilientziazko irakaskuntza baten beharra proposatzen zen: funtsezkoa zela lehen hezkuntza martxan izatea, eta horretarako parametro batzuk definitzen zituen. Faktore desberdinak aipatzen dira, baina nagusia zera litzateke, asteko kasu berriak 100.000 biztanleko.

Horren arabera, horra gomendioak:

Asteko kasuak 100.000 biztanleko... Datua aurkitu dugu, autonomia erkidegoen mailan, Espainiako Gobernuaren taula honetan, irailaren 14ko datarekin. Nafarroan 302.65ekoa zen tasa (onargarria den maila gorenaren bikoitza), eta EAEn 165.73koa, maila laranjan baina gorritik gertu (probintziaka ikusi beharko zen).

Harvard-eko ikerketak zera ere gehitzen du: "Inportantea da metrika hau beste batzuekin lotzea. Beste metrika horiek lirateke: kasuen joera, hildakoen kopuruen joera, ospitaleratze berriak, egindako testen positibo portzentaiak, asteko neurri ertainetan ikusiak. Hildako eta ospitaleratze kasuak agerrarazi dezakete non egin den test gutxiago, eta horregatik agertzen direla katxu gutxiegi. Positiboen neurria %10etik gora badago, kontaketa behetik egiten ari den seinale izan daiteke (probabilitate handiarekin).". Hain zuzen ere, Gobernuaren PDF horretan positibotasun maila ere badago:

• Nafarroan, irailaren 4tik 10erako astean, %10.1ekoa izan zen.
• EAEn, tarte berean, %8.2koa.

Hau da, zantzuak daude kasu berrien portzentaia esandako 302/165 horietatik gora izango direla pentsatzeko.

Partekatu nahi izanez gero, horra grafikoa bere tamaina originalean, eta dokumentu editagarri gisa.

Eguneraketa, irailak 16

Galder Gonzalez wikipedistak kalkulu-orri bat prestatu du EAEko herrietako informazioarekin. Sarean partekatu dugu, hemen. Adi 3. orriari, Emaitzak, hor daude herriak, kolore kodeak eta haien eboluzioa egunez egun, irailaren egun hauek arte.

Pantaila irudiak ere egin ditu Gonzalezek, behean bat adibiderako, guztiak hemen.

Eguneraketa, irailak 18

Ion Lizarazu informatikariaren beste grafiko bat, gorrien (okerren) zein herritan dagoen ikusteko. Tamaina orijinalean hemen.

Bestalde, goian abiapuntu gisa jarri dugun kolore-kodeen sailkapena erakunde pribatu batek egin zuen: Harvard Global Health institituak. Orain, Estatu Batuetako CDC erakundeak, epidemien kontrolerako erakunde publikoak, antzeko grafikoak egin ditu. Hemen gazteleraz azalduak. Kolore kodeen kalkulurako epea bikoitza da (14 egun), eta kopuruak ere aldatzen dira 100.000 laguneko, baina antzeko parametroetan daude.

• Harvard gorria: > 175 / CDC: >200
• Harvard laranja: 70 < 175 / CDC 50 < 200
• Harvard horia: 7 < 70 / CDC 20 < 50
• Harvard berdea: < 7 / CDC berde arina 5 < 20 / CDC berde iluna (arrisku txikiena) < 7