Teknologia albisteak

Xalbador egunerako, bertso-paper lehiaketa

Sustatu

2019-08-27 : 12:54

Urrian izango 2019ko Xalbador Eguna dela eta, Urepeleko Deiadarra elkarteak bertso-paper lehiaketa antolatu du, gazte eta nagusientzat. 15 urte artekoentzat gaztetxoen kategoria dago, eta 16tik aurrera nagusientzat. Irailaren 30a arte dago epea bertso-paperak aurkezteko.

Gaztetxoen kategorian gutxienez lau bertso eta gehienez zortzi idatzi beharko dira. Baldintza hauekin:

Gaia: bakoitzak nahi duen gaiaz idatz dezake, beti ere Xalbador gogoan.
Sari berezi bat izanen da baxenafarreraz egindako bertsopaper onenarentzat.
Sariak, Lehenengoarentzat, 200 € eta opariak; bigarrenarentzat, 80 € eta opariak; hirugarrentzat opari berezia.

Nagusienean berriz, gutxienez sei bertso, eta gehienez zortzi idatzi beharko ditu.

Gaia: Pierre Topet Etxahun koblakaria.
Sariak: Lehenengoarentzat, 400 €; bigarrenarentzat, 200 €; eta hirugarrentzat opari berezia.
Sari berezia izango da baxenafarreraz egindako bertso-sailik onenarentzat.

Bi kategorietan bertso berriak bakarrik onartuko dira, eta parte-hartzaile bakoitzak bertso-sorta bakarra igorri dezake.

Informazio gehiago, hemen.