Hizkuntza gutxituetako hedabideak eremu digitalean, Eskozian, euskal presentziarekin
Scotland Goes Basque da 2019. urte honetan zehar Eskozian Etxepare Institituaren laguntzarekin egiten ari diren euskal kulturaren inguruko zabalkunde programa bat. Horren barruan nazioarteko mintegi bat egingo da Edinburgoko Unibertsitatean urriaren 16 eta 17an: “Mugarik gabeko ala mugatutako esparrua? Hizkuntza gutxituetako hedabideak eremu digitalean”.
Egitasmo honek ikerlarien eta hizkuntza gutxituetako komunikabideetan lan egiten duten profesionalen artean ezagutza partekatu eta kolaborazioa sustatzea ditu helburu, eta nazioarteko hizlariak izango dira bertan. Mintegia ingelesez izango da.
Hemen da mintegiaren webgunea. Egitaraua argitaratu da (hemen, PDF eran). Euskararen ingurukoak azalduko dituzten hizlarietako batzuk jarraian:
- Euskal hedabideak paperetik Internetera. Libe Mimenza, Behategia.
- Unibertsitateko ikasleen euskarazko ikus-entzunezko kontsumoa. Edorta Arana eta Beatriz Narbaiza, EHU.
- “Gu ere Euskaldunak gara, Boisekoak”: identitateari buruzko hausnarketa bat Idahoko komunitatetik. Jaione Diaz (University of Maryland).
- Twitterreko euskaldun gazte eta nagusiak, euskararen egokitzapenak 21. mendeko komunikazio formetara. Joseba Fernandez de Landa, Rodrigo Agerri, Iñaki Alegria (EHU).
- ...eta kitto! tokiko hedabidearen 10 urteko eboluzio bat. Enara Eizagirre (Aztiker)
- Euskarazko ikusentzunezkoak eta aro digitaleko telebistaren erronkak. Itziar Azpeitia (ETB)
- Euskal Herriko zinemaldiak, aukerak eta trabak euskarazko filmentzat. Aida Vallejo, Amaia Nerekan (EHU)
- Itzulpenaren erronkak film eleanitz batean, 'Handia' kasua. Elizabete Manterola eta Ana Tamayo (EHU)
- Atzerriko fikzioa hizkuntza txikietan. Urtzi Urrutikoetxea.
Erantzun
Sartu