Euskaldun bat Artikoan, kontaktizun zientifiko zirraragarria

Artikoko paleozeanografia ikertzen ari da Naima El Bani, tesia osatzeko. Zehazki, inguru haietako antzinako itsasoen bizitzaren historia, foraminiferoak aztertzen. Horietako bat aurkeztu zigun txio batean duela egun batzuk.

Hau Neogloboquadrina pachyderma foraminifero plantonikoa -FP- da. Gaur egun poloetako itsasoetan baino ez da bizi eta gehienetan, FP bakarra da. Baina... glaziazio eta garai hotzetan hain zen hotza uraren tenperatura Bizkaiko Golkoraino migratzeko kapaza zela! pic.twitter.com/gs9QvQfpCv

— Euskaldun bat Artikoan (@artikoan) 2018(e)ko uztailaren 5(a)

Ikerketako Helmer Hanssen untzian dago gure txiolari geologo euskalduna, eta bertatik itsas-izotz edo iceberg-ez inguratutako uretan egon da, Groenlandiako eta Barentseko itsasoetan.

Azken egunetan lur hartu du ikerlari euskaldunak: Svalbard artxipelagoan dago, Norvegiako subirautzako uharteetan, eta bertako bizitzaren berri ere eman digu. Biscayarhalvøya (bizkaitar penintsula) eta Biscayarfonna glaziarra ere badirela bertan, ez dela udako egun hauetan eguzkirik tapatzen (gauerdiko eguzkiari ateratako argazkiarekin ilustratu dugu artikulu hau), eta bertan 2.600 lagun bizi direla (gizakiak), baita 3.000 hartz ere, eta kruzeroetan iristen diren 3.000 turista gehiago ere bai udako egun hauetan.

Jarraitu @artikoan Twitterren, merezi du.