Bertie Ahern Irlandako Lehen Ministro ohiaren hitzaldia Gipuzkoako Foru Aldundian

Berti Ahern-ek nazioarteko sari eta aitortza garrantzitsuak lortu ditu 1998an Ostiral Santuko Akordioa lortu izanagatik, Tony Blair lehen ministro britaniarrarekin eta Ipar Irlandako alderdi politikoekin batera. Akordio horrek ezarri zituen Ipar Irlandako gatazkari buru emateko oinarriak. Ostiral Santuko Akordioari esker, 2007an Ipar Irlandan Gobernu partekatu bat eratu zen, Ian Paisley unionista presidente zela eta Martin McGuinness errepublikarra, berriz, presidenteorde.

Irlandaren historia modernoan, Bertie Ahern da Lehen Ministro izateko hiru aldiz jarraian aukeratua izan den lider politiko bakarra. Lehenago beste kargu batzuk ere izan zituen: Presidenteorde, Kultura, Arte eta Gaeltacht-eko ministro (eskualde gaelikoa), Ekonomia eta Finantza ministro, Industria eta Merkataritzako ministro eta Lan arloko ministro.

Irlandaren Europar Batasuneko presidentetzan (2004an), Europar Batasuna 27 estaututara hedatzeko prozesua zuzendu zuen. Nazioartean, ahalegin handia egin zuen Irlandaren lidergo globala sendotzeko garapenerako laguntza edo HIESAren aurkako borroka bezalako gai humanitarioetan.