Teknologia albisteak

Azukrearen ondorioak osasunean

Sustatu

2011-02-16 : 12:02

Azukreak osasunari egiten dion kalteaz luze idatzi du Oier Gorosabelek bere blogean. Hasierako hipotesitik oso urrun dauden ondorioak aurkitu ditu Gorosabelek:

Azukre zuria oso txarra dela, eta bere ondorio txarrak (euforia/depresio zikloak, diabetesa...) normaltzat hartzen ditugula.
Azukre beltza, azukre zuriaren produkzio industrialaren ondakina baino ez dela.
Edulkorante artifizialak hobeak direla, oraindik ez baita frogatu eragin kaltegarririk osasunean.

Guztiz kontrakoa zen hasiera batean Gorosabelen hipotesia:

Azukre zuria txarra dela.
Azukre beltza, zuria baino osasungarriagoa dela.
Edulkorante artifizialak oso kaltegarriak direla.

Luze eta zabal idatzi du bere blogean, dokumentatu ondoren, eta aurkako ondorioak aurkeztu ditu. Hori ikusita, azukrearen erabilpena ahal den neurrian murrizteko gomendioa eman du Gorosabelek.

Ume-umetatik erabilli dogun droga hau gitxien uste dogun lekuetan topatzen dogu: tomate potuak, foie-grasa, ogixa, barazki kontserbak... Horretara, barazki eta fruta gordin jaliak bihurtu ezian, ixa eziñezkua izango jaku azukre dosisa zerora jaistia.

Beste gozagarri batzuk

Gozagarrien zerrenda idatzi du, irakurri duenaren arabera kalte gutxien egiten duenetik hasi eta kaltegarrienarekin amaituz:

Fruta: onena gordinik, baina sukaldatuta edo fruta-pasak erabiltzea ere ez da txarra.
Eztia: hala ere kontuz erabiltzeakoa, elikagai oso kalorikoa baita.
Stevia raudiana landarea: Europan debekatuta dago elikagaien industrian.
Edulkorante artifizialak: mesederik egiten ez badute ere, neutroak dira eta momentuz ez da efektu kaltegarririk deskubritu.
Azukre industrialak azkenengo aukera izango lirateke.

Artikulu osoa *Garagoittiko Orakulua* blogean

Goiko irudia: Argazkiak.org | Zaaaaaaaborrrr.....! © cc-by-sa: txikillana