Teknologia albisteak

Anjel Lertxundi, Espainiako Saiakera Saria

Sustatu

2010-10-14 : 15:10

Anjel Lertxundi euskal idazleak eskuratu du Espainiako Saiakera Saria, Kultura Ministerioak urtero banatzen duen saria Literatura Sari Nazionalen baitan. Eskarmentuaren paperak obra saritu diote. Literaturaz egin du gogoeta idazle oriotarrak, baina autobiografiatik ere asko du.

Sari honek Espainiako hizkuntzaren batean 2009an genero honetan idatzitako lanik onena saritzen du, eta horri esker Lertxundik 20.000 euro jasoko ditu. Liburua Alberdanian dago salgai 12,60 euroan edizio digitala (ePub / Mobipocket) eta 18 euroan paperezko bertsioa.

Berriak elkarrizketa egin zion martxoan Lertxundiri saiakeraren edukiaz. eitb.com-en bideo bat ere badago, liburuaz hizketan Sautrela saioan izan zenekoa:

Egunero idazten du Lertxundik Berrian eta tarteka Sustatun ere bai

Epaimahaia honako hauek osatu dute: Rogelio Blanco, Gregorio Salvador, Victor Fernandez, Sebastian Garcia, Marta Pessarrodona, Alfonso Navales, Francisca Rubio, Santos Alonso, Maria Teresa Pascual, Estrella de Diego eta aurreko bi urteetako saridunak: Justo Beramendi eta Manuel Reyes Mate.

Erantzunak

Idoia Aretxabaleta

2010-10-14 : 16:26

Zorionak Andu! Gure idazlerik onenetarikoa. Urte askotan jarraitu diot eta oso gustoko dut bere idazkera.

Gipuzkoa Kultura

2010-10-14 : 19:07

Sariaren aitzakiarekin GureGipuzkoan "salseatzen" jardun gara ta duela 30 urteko argazkia agertu zaigu:

GureGipuzkoa.net | Juan San Martin XI. Irun Hiria Literatur Sariko epaimahaikideekin batera, sariaren epaia emateko garaian. © CC-BY-SA: San Martin, Juan

Iban Arantzabal

2010-10-14 : 20:12

Eta liburu interesgarria. Interesgarria zelan josi dituen zatiak. Eta gustagarria zati horietako asko eta asko.

Zorionak Andu.

Joxe Aranzabal

2010-10-14 : 22:04

Zorionak, Anjel! Goizero irakurtzen dut zure zutabea Berrian, eta benetan pozten naiz sari hau jaso duzulako, esan nahi du-eta beste batzuk ere hasiko direla gozatzen zure prosa eta mundu ikuskera. Eutsi goiari!