Teknologia albisteak
6

Liburuak irakurtzeko iPad-ean, PDF-ak epub bihurtu

Erabiltzailearen aurpegia
Maite Goñi
2010-07-09 : 12:07

Inori ez dio ihes egiten sarean liburu mordo bat dagoela dohain, edonoren eskura. Formatu ezberdinetan aurki ditzakegu; dena den, arruntena PDF artxiboak topatzea izaten da. iPadaren oztoporik handienetako bat, hain zuzen ere, PDFak ez onartzea zen; izan ere, duela gutxi arte, iPadean ezin baitziren PDF artxiboak zuzenean irakurri. Horrela, horiek irakurri nahi zituenak lehendabizi EPUB motako artxibo bihurtu behar zituen Appleko gailuan irakurri ahal izateko.

Gauzak aldatuta daude, ordea, eta orain zuzenean PDF artxiboak irakurtzea posible da. Horretarako, iBooks aplikazioa (edo mota honetako besteren bat) instalatzearekin nahikoa da. Hau oso ondo dago; izan ere, iPadaren jabeak, orain, PDFn dauden liburuak irakurtzeaz gain, formatu horretan dagoen edozein txosten edo dokumentu irakur baitezake. Egin behar duena da ordenagailuan iTunes aplikazioa zabaldu, PDF artxiboa liburutegira gehitu eta iPada sinkronizatu.

Dena den, liburu bat irakurtzeko, askoz ere egokiagoa da PDF formatua alde batera uztea eta EPUB bihurtzea. Azken honek PDFak eskaintzen ez dituen hainbat aukera ematen baitu, besteak beste, letra mota eta neurria egokitzeko era.

Bestalde, Apple etxeko gailuren bat duzuenok jakingo duzuen legez, artxibo guztiak iTunes aplikaziotik kudeatzen dira. Nire ustez, honek dezente moteltzen eta zailtzen du kudeaketa. Horrexegatik, iPadaren mundu honetan hasiberria den hainbaten eskaerari erantzunez, saiatuko naiz azaltzen garbi-garbi eta urratsez urrats nola pasatu PDF artxibo bat EPUBera.

Arestian aipatu dugun lez, ezinbestekoa da iPadean liburuak irakurtzeko aplikazio bat. Guk iBooks dohaineko aplikazioa hautatu dugu; beraz, joan App Storera (iTunes zein iPadetik egin dezakezu) eta bilatzailean iBooks aplikazioa aurkitu ondoren, hura instalatu. Sinkronizatu iPada eta iTunes aplikazioa. Ondorengo urratsak jarraian duzuen tutorialean azalduta daude:

Irakurri iPadean PDF bat EPUB bihurtuta

Tutoriala beste era batzuetan bistaratzeko:

Liburuak eskuratzeko gune ezberdinak:

Erantzunak

Iban Arantzabal
2010-07-09 : 13:23

Oso interesgarria, Maite. Eskerrik asko azalpen guztiengatik.

Maite Goñi
2010-07-09 : 15:48

Mila esker, Iban!

Hurrengoan azalduko dut pausoz pauso zer egin dezakegun flash artxiboak gure iPadetan ikusteko. Toki pare batean ikusi dut nola egin, baina ez dirudi hain erraza. Probatuko dut eta ea hurrengo astean jartzeko moduan nagoen. HTML5 guztiz zabaltzen den arte, niri gustatuko litzaidake orain ikusi ezin ditudan flashak bistaratzeko aukera izatea... ;-)

Iñigo m.
2010-07-09 : 18:51

Liburuak euskaraz (azken boladan gutxi eguneratzen den arren).

http://esporak.blogspot.com/

eli
2010-07-09 : 20:44

PDFz gain, badira liburuak EPUB gisa ere argitaratzen dituztenak. Beraz, formatua aldatzen ibiltzeko beharrik ez halakoetan.


Adibide bat: H. D. Thoreau Desobedientzia Zibila


Maite Goñi
2010-07-09 : 23:15

Kaixo, Eli! Bai, hala da. Amaieran ipini ditudan helbide askotan EPUB formatuan daude eta ez dago bihurtzen ibili beharrik; dena den, lehengoan batzuek esan zidaten liburu bila aritzen ziren gehienetan, PDFak topatzen zituztela eta horregatik azaldu dut formatu aldaketarena. Mila esker!



Iñigo, pentsamendua irakurri didazu! Idatziaren amaieran, galdetzeko asmoa nuen ea norbaitek ezagutzen zuen euskarazko edukiak lortzeko(dohain edo ordainduta, noski) gunerik, baina ahaztu egin zitzaidan! Esker mila!



Bide batez, hemen doa galdera: norbaitek ezagutzen du edozein formatutako irakurgaiak jaisteko helbide interesgarririk? Euskaraz badago zerbait gehiago? :-)



gorkaazk
2010-09-27 : 09:29

Horrelako ePub Horrelako ePub


Erantzun

Twitter ikonoa  Facebook ikonoa  Sartu