Euskal Musika, osasuntsu 2.0 tresnetan
Durangoko Azokan murgilduta, une egokia iruditu zaigu galdera hau egiteko: nola daude euskal musikariak kokatuta Interneten: modu aktiboan edo, aldiz, oraindik eskaparate gisa soilik erabiltzen dute sarea? beraien musika zabaltzeko Myspace, Spotify edo Twitter bezalako 2.0ko tresnak erabiltzen dituzte?
TestMedia ikerketa-enpresak 146 talde edo bakarlari euskaldun aztertu berri ditu ondoko ondorio honetara heltzeko: euskal musika osasuntsu dago sarean, gogoz eta ekinean. Esaterako, gero eta gehiago erabiltzen dituzte internet bidezko musika zabaltzeko tresnak:
- %85ek Last FM bidez zabaltzen ditu bere kantak
- %81ek Myspacen dauka txoko propioa
- 10etik 6k eskaintzen dute beraien musika erosteko aukera iTunes-en
- %59a Spotifyn dago
Bestalde, %52ek web edo bloga dute, eta %41a Facebook-en dago. Wikipedian, aldiz, askoz urriagoa da euskal musikaren presentzia, bakarrik %25ek baitute sarrera propioa bertan; eta are urriagoa, anekdotikoa ia, euskal musikarien presentzia Twitter-en, 100tik bakarrik bostek baitute konturik txoritxoaren sarean.
Test-Mediak halako ranking bat osatu dute datu guzti hauekin, eta hiru dira euskal musikari 2.0enak: Fermin Muguruza, Gatibu eta Ken Zazpi. Hiru hauen atzetik, baina hasierako postuetan, Benito Lertxundi, Kepa Junkera, Betagarri, Bide Ertzean, Kauta, Berri Txarrak eta Ekon daude, besteak beste.
Irakarri hemen Test Mediaren txosten osoa, gazteleraz
Erantzun
Sartu