Estreinekoz euskaraz eman da langileentzako iraunkorreko ikastaroa Elgoibarko IMHn

Elgoibarko Makina Erremintaren Institutuak dagoeneko antolatu ditu 239 ikastaro uztaila bitartean, eta hauetatik bost euskaraz: Automatismo elektriko kableatuak, Automatismo hidraulikoak, CNC fresatzeko makinaren programazioa (Heidenhain), CNC Tornua 1. maila (FAGOR) Programazioa eta CNC Tornua 2. maila (FAGOR) Prestaketa.

Kontutan izan behar dugu Elgoibarko IMH prestakuntza teknikoa euskaraz ere eskaintzeko lanetan diharduela duela bost urte "Goazen" euskararen erabilera sustatzeko proiektuaren bidez. Hasierako Lanbide Heziketa arloan euskarazko taldeak baditugu eta IMH Ingeniaritza Eskolan euskaraz ikasi nahi duten ikasleentzat azken urteetan euskaraz ikasteko ikasgaien ehunekoa handitzen joan gara. Honela, 2008an hasi duen 13. promozioak dagoeneko ikasgaien %60 euskaraz jarrai dezake eta hau izango da ingeniaritzan hemendik aurrera mantenduko dena: %60 euskaraz, %30 gazteleraz eta %10 inglesez.

Prestakuntza iraunkorrari dagokionean, eskaripean bat edo beste eman bada ere (azkena Elay empresari metrologiari buruzkoa) katalogoan programatutako ikastaroei zegokionean taldeak osatzeko orduan ez genuen lortzen kopuru minimoa ikastaroak abiatzeko, nahiz eta aukera ezberdinak saiatu, esaterako gehien errepikatzen diren ikastaroak euskaraz antolatu. Gertatu izan da noizpait ikastaroa abiatu eta ikasleak euskaldunak direla ohartuta irakasleak prestakuntza euskaraz ematea, baina antolatuta ez zegoen ikastaroan eta materiala ere euskaraz izan gabe.

2008ko azaroan euskaraz emateko programatuta zegoen hidraulikako ikastaroa ateratzea lortu genuen eta gainera 10 enpresa-pertsonekin, hau da, minimoa baino jende gehiagorekin.

Beraz 2008an lortutakoarekin espero dugu 2009an euskaraz emango diren ikastaroak gehitzen joango direla.

IMHko iraunkorreko ikastaroen berri www.imh.es/prestakuntza-iraunkorra