Teknologia albisteak
1

Interneteko liburutegi digitalak: diseinua eta ustiatzea

Erabiltzailearen aurpegia
Iñaki Alegria - IXA taldea
2008-11-19 : 13:11

HAP masterraren programaren barruko hitzaldia (gaztelaniaz), Rafael Carrascoren eskutik. Azaroaren 24an, astelehena. Arratsaldeko 4etan. Korta eraikinaren areto nagusia. UPV-EHU. Donostia.

Interneteko liburutegi digitalak: diseinua eta ustiatzea.

1. atala: Miguel de Cervantes liburutegi digitalaren esperientzia

2. atala: liburutegi digitalak sare sozialean

Rafael Carrasco fisikan doktorea da eta Alacanteko unibertsitateko Lengoaia eta Sistema Informatikoen katedraduna. Miguel de Cervantes liburutegi digitalaren zuzendari laguntzailea da. Argitalpen ugari egin ditu ospe handiko aldizkari zein kongresutan, eta hainbat gairen inguruan zuzendu ditu proiektuak, hala nola, automata probabilistikoak, gramatika-ikasketa zorizko laginetatik, neurona-sareak, etiketatze-lengoaiak eta liburutegi digitalak, egoera finituetako makinak eta itzulpen automatikoa.

Erantzunak

Iñaki
2008-11-25 : 12:02

Oso interesgarria izan zen, batez ere etorkizunari begira duten proiektuen inguruan aritu zenean (liburutegi digitalak sare sozialean atalean).

Luze joko luke dena azaltzeak, baina ez ahazteko aipatu zituen teknologiak (batzuk behintzat) zerrendatuko ditut (gehiena estandarren eta soft librearen ildotik):



ORAIN ARTE ERABILITAKOAK

- XML+XSLT (errepresentazioa/aurkezpena)

- Lucene (bilaketa)

- TEI, Marc21, DublinCore (metadatuak)

- XHTML, Scorm (irakaskuntzarako)



BERTSIO BERRIAN (sare soziala eta zerbitzariak)

- REST / SOAP / RMI (zerbitzuak)

- Fedora Commons + OAI-MPH (biltegiratzea)

- AmazonS3 (backup eta salmenta)

- OpenSearch (Interkonexioa)

- RSS (zabalkundea)

- Android (telefono mugikorrak)

- SocialSite/OpenSocial (sare soziala)



Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago