Gora Obama!
Barack Obama senatariak irabazi ditu AEBetako lehendakaritzarako hauteskundeak. Estatu batzuetako zenbaketak ez dira itxi oraindik, baina dagoeneko ziurtatuta dituen botoekin aurre handia hartu dio John McCain errepublikarrari. Oso hitzaldi inspiratuarekin ospatu du Obamak garaipena Chicagon.
Hauteskunde-emaitzen mapa honek argi erakusten du bere garaipenaren zabala: Urdina da demokraten kolorea, gorria errepublikarrena. Zalantzan zeuden estatu handiak, denak geratu dira Obamaren alde.
Presidentziaz gain, Alderdi Demokratak aise egin du aurrera Ordezkarien Ganberan eta Senatuan. Botere legegilea ere alde izango du Obamak.
Jendetza handi baten aurrean ospatu du Barack Obamak bere garaipena. Hitzaldi indartsua egin du. Hemezortzi minutuko bideoa da, eta alderik hunkigarrienak azken herenean ditu. Hitzaldiaren testu osoa blogari honen mezuan aurkitu dugu.
Ann Nixon Cooper 106 urteko emakumezko boto-emaile beltza aipatzen duenean, hitzaldia ondo inspiratuta idatzi duela (edo diotela) ikusten da, eta zenbait pasarte daude non Obamaren kanpaina honetako lelo nagusia errepikatzen den: Yes, we can; bai, ahal dugu.
John McCain errepublikarrak ere zoriondu du Obama, eta guk ere berdintsu egingo dugu, Idahon euskaraz Gora Obama oihu egin zuteneko bideoa gogoratuz.
Erantzunak
Bai, hor dago kantu eder hori: A Change is Gonna Come.
Eta beste bideo batekin osatzeko, Yes We Can. Hitzaldi baten gaineko hitzekin, show-businesseko ospetsu batzuek egin zuten, Black Eyed Peas taldeko batek musikatuta. Wikipedian dago honen historia.
Lema hori dakarren kamiseta erakutsi du Paulo Berriozabalek Japoniatik bere blogean.
Japonian bertan, bereziki pozik daude Obama herrian (33.000 biztanleko arrantzale-herria): horra irudiak eta artikulua ingelesez.
Ni ere eszeptikoa naiz.
Obamak EstatuBatuetako sistema politikoa demokrazia eskandinaboen bidean jarriko duela norbaitek norbaitek sinisten al du?
Kanpaina mediatiko erraldoi hau gauzatzen ari zelarik, 2004ko martxoko Espainiako hauteskundeak etorri zaizkit gogora, Zapatero "aldaketa" izango balitz bezala saldu ziguten medioak, eta Zapatero izan da bankuei diruz lagunduko dien Presidente Socialista eta Obreroa. PPk egin izan balu... tira, ulertuko nuke, baina Zapaterok?
Aldi berean, EuskalHerriarekiko PP eta PSOEren artean jarrera berbera da: Egurra. PSOEk agian disimulo gehiagorekin egiten du, badakizue, "talante eta "consenso" lelo gorajaleek.
Baina hasierako ildora bueltatuz, Obamaren garaipenarekin, Irakeko inbasio eta okupazioa ez dira amaituko eta Estatu Batuak bere presentzia mundiala berantolatu baino ez ditu egingo.
Hala ere, emaitza historiko bat lortu duenik tipoari ezin zaio ukatu.
http://www.youtube.com/watch?v=AE0TrL5Vo8o
Aurrekoak egindako txikizioak konpondu beharko ditu. Ekonomian zein nazioarteko harremanetan.
Izan ere, hori da errezena, menperatu, zapaldu eta inoren aberastasuk kendu, bere laguntxuei emoteko baliabideen hustiapenak eta antzekoak.
Baina horren besteko garrantzia edo handiagoa dauka, hortik armada eta ejerzitoa ataratzea, "erretirada" antzekoa eratu, herriotan normalkuntza ezartzen dan bitartean.
Nor, non eta zelan jarri eta zer dan normalkuntza, beste barrika bateko txakolina da.
Eta gogoratu BUSH agintean badago, egon bada, 2000an Floridan izandako gorabehera susmagarriak bultzatu zutelako,
Nabaria izan zan hamaika tranpa izan egin, zituztela Floridako errepublikanoek.
Hurrengo urtean etorri ziran, 2001ean, gertaera,
jarrera ilunagoak. Hortik honantzako guztiak ezaguna(goa)k ditugu. Hau pentzakera honetakoa zalako,
"Imperator est dominus totius mundi". Bera.
Lastioma izan zan galleta ha jaten egon zanean ez zala ito.
Zorionez garaiok amaitu dira.
/cache/Udako-Ola-2024_1_small_content.jpeg)
Sam Cookek aspaldi iragarri zuen: "A change is gonna come".