Eusko Movie, sareko laburmetraien lehiaketa
EuskoSarek Eusko Movie 2008 aurkezten du: telefono mugikorraz, argazki makinaz, edo bideoz filmatutako pelikulen lehiaketa. Proiektuak Euskal Filmotekaren eta Eusko Ikaskuntzako Zinemagintza Sailaren laguntza du. Parte-hartzea Uztailak 20rarte iraungo du.
Gainontzekoa norberaren imaginazioaren esku dago. 1.200 euro banatuko dira saritan. Gure web gunetik, www.euskosare.org, parte hartzera animatzen zaitugu!
Lehiaketa guztiei irekita dago. Ekimen honen helburua partaidetza eta kreatibitatea bultzatzea da.
Hautagai izateko oinarri eta baldintzak hurrengo hauek dira:
Lehiaketan edozeinek parte har dezake, adin, nazionalitate, edo beste inolako mugarik gabe.
Gaia
Euskal gaiak ("euskaldun baten hitza" esaldiak dituen konotazioak, euskaldunak eta itsasoa, euskal kirolak, Euskal gastronomia, Euskal pertsonaia ospetsuak, etabar).
Mailak
3 maila ezberdin egongo dira:
1. Laburmetrairik onena
2. Ideia berririk onena
3. Publikoaren saria
Bideoen aurkezpena:
* Bideoak Gaztelera, Euskara, Frantzesa, Ingelesez edo ahotsik gabe grabatuak izan beharko dira
* Parte hartzaile bakoitzak gehienez 5 laburmetrai bidali ahal izango ditu
* Lanak originalak izan behar dira, argitaratu gabeak eta ezin dira lehenagotik sarituak izandako bideoak aurkeztu, ez eta beste lehiaketa baten erantzunaren zain dagoen filmik izan.
* Laburmetrailek 2 minutu baino gutxiago iraun beharko dute, izenburuak barne.
* Parte hartzaileek, dohainik emango dituzte bidalitako laburmetraien komunikazio publikorako, eta erreprodukziorako eta banaketarako eskubideak. Laburmetrai onenen emanaldia lehiaketaren amaieran izango da EuskoSarek Gasteizen duen bulegoan (General Alava kalea 5, 1º, 01005 postakutxa). Sarrera doan da.
Bidaltzeko
* 1) Parte hartzeko, hurrengo izen-emate fitxa osatu beharko dute.
* 2) Behin osatu eta bidalita, EuskoSareko kide bat kontaktuan jarriko da zurekin lana bidaltzeko era adosteko. Bi modutan bidali ahal izango da lana: emailez edo postaz.
euskomovie@euskosare.org
EuskoSare- Eusko Ikaskuntza. General Álava Kalea 5, 1 solairua. 01005. Vitoria-Gasteiz.
Epeak
* Izen emateko epea Ekainak 17an hasi eta Uztailak 20an bukatuko da, Euskal Herriko 24.00tan.
* Epaimahaiaren erabakia Uztailak 31ean emango da jakitera EusoSare-ren web orriaren bidez (www.euskosare.org).
* Publikoak ere laburmetrai onena bozkatzeko aukera izango du Uztailak 21tik 30ra bitartean. Honek aste hortan ezarriko den bozketa sistema bat erabiliko du hori egiteko. Nahi dituzun bideo guztiak bozkatu ahal izango dituzu baina bideo bakoitza behin bakarrik bozkatu ahal izango duzu. Bozketa Uztailaren 30an bukatuko da Euskal Herriko gaueko 12tan.
* Ez dira onartuko gutunez bidalitako lanak zeinen zigiluetan Uztailak 20 baino beranduagoko data agertzen den.
* Berdinketa egongo balitz, egun bat gehiago iraungo du bozketak, Uztailak 31rarte. Berdinketa apurketa aukeratuak izandako bideoekin egingo da. Epaimahaikoaren erabakia Abuztuaren 1an ezagutaraziko da
Epaimahaia
* Jasotako laburmetraia guztien artean EuskoSare-ren antolakuntzak aurrehautespen bat egingo du eta aukeratuek sariarengatik lehiatu ahal izango dute.
* EuskoSarek ikus-entzunezko gaietan jakitunak diren 3 perstonez osatutako epaimahaia aukeratuko du.
* Epaia apelaezina izango da.
* Epaimahaiak erabakiko ditu lehen eta bigarren saria.
* Epaimahaiak sarietako bat edo guztiak eman gabe utzi ditzake.
Botazio arrunta
* Hirugarren saria publikoaren botoek erabakiko dute osoki EuskoSare web gunean.
Saria
* Lauburmetrairik onenaren irabazleak 600 euroko saria jasoko du
* Ideia berririk onenaren saria 400 eurokoa izango da
* Publikoaren saria 200 eurorekin sarituko da.
* Parte hartzaileek diploma bat jasoko dute. Parte hartzaile bakoitzeko diploma bat banatuko da. Lehen hamar postuetan geratzen diren parte hartzaileek eskuz idatziko diploma bat jasoko dute. Gainontzekoentzat digitala izango da diploma hau.
Erantzunak
Ni ere "film labur" erabiltzearen alde.
Bide batez, erredundantziaren kontrako kanpaina egin nahi dut, eta Borjari adierazi "sen onekoa" nahikoa izan daitekeela; baina gehiago nahiko balu, "sen hobekoa" hor daukala, "hobeagokoa" eta antzekoak asmatzen jardun gabe. Hobeto, ezta? Ala "hobetoago"?
Barkatu gaitik "gehiegiegi" desbideratu izana.
Al Perra-ri:
Barka, ene herriko euskara kaxkarrak alde egin dit hatzetatik, baina...
1. "Sen onekoa" ez zen nahikoa, ez, nik "hobea" dela esan nahi bainuen eta ez "ona" soilik.
2. Ez nuke dialektologia edo soziolinguistika irakaspenik eman nahi, baina jakizu ez dudala ezer ere asmatu "hobeagoko" horretan (edo nahiago bazenu, "halakoak" herri askotan "asmatu" eta "asmatzen" dira). Gauza bat da euskara estandar duin baten alde terminologia berria tentuz asmatu edo egokitu behar izatea, horretan ari gara, baina ez du horrekin zerikusirik. Gainera, ez esan "hobeago" erredundantea denik (mespretxu kutsua dario horri): "hiperkarakterizazio" deitzen zaio fenomeno (hain gaizto) hari. Hortaz, sala ezazu nire arduragabekeria, euskara batuaz behar bezala ez egiteagatik, baina ikas ezazu batutik harago badela bizirik, hizkera irregular bezain eder anitz (eta ez asmaziorik).
Dena den, lasai egon zaitezke, "hobetoago" eta gainerako arrunkeriak neure herrirako gordeko ditut-eta hemendik aurrera.
Eskerrik asko, Borja, hizkuntzalaritza lezio txikia emateagatik. Hiperkarakterizazioa, orduan? Konforme.
Hala ere, niri ez zait "sen hobea" sen oneko esamoldea iruditzen izen bati buruz ari garenean; alegia, seneko pertsona izango naiz (izaera egokikoa, esaterako), sen ona erabil dezaket hitz egiterakoan ("zentzu komuna" deitutakoa, edo instintoa), baina izenak sailkatzeko edo lehenesteko orduan "sen kalitatea" egiturak ez dit balio.
Mespretxurik gabe, baina belarrian halako "krak" bat eragin dit, eta ezin ixilik egon! Irakurle batzuk ohartzeko balio izan badu, ondo! Eta hurrena "film laburren lehiaketa" bada, hobeto!
EuskoMovie azken txanpan sartu da eta egun gutxi geratzen dira parte hartu ahal izateko. Lehiaketak, Euskal Filmotekaren eta Eusko Ikaskuntzako Zinemagintza Sailaren babesa du. Lanak mugikorraz, argazki makinaz edo bideoz egon behar dira grabatuta eta gehienez 2 minutuko luzapena izan behar dute, kreditu izenburuak barne.
EuskoMovie-n, EuskoSarek on-line eginiko laburmetraien lehen lehiaketan, parte hartu ahal izateko 12 egun besterik ez dira geratzen. Lanak mugikorraz, argazki makinaz edo bideoz filmatu daitezke. Hiru sari banatuko dira, 600, 400 eta 200 eurokoa bakoitza. Uztailak 20arte duzu parte hartzeko.
Noiz arte jasan beharko dugu "laburmetraia" hitza? Zer ote du jendeak "film labur" hitzaren kontra?
Bestalde, "General Alava" kaleak badu euskarazko izena: Alaba Jeneralaren kalea (http://www.vitoria-gasteiz.org/wd004/docs/eu/kale-izendegi.pdf).
Eta, azkenik, 01005 ez da --ziur naiz-- "postakutxa", posta-kodea baizik.
Ez da asmo txarrez eginiko kritika, benetan. Euskarazko testuetan gaztelaniazko testu batean onartuko ez genituzkeen gauzak onartzen ditugula salatu nahi dut, besterik ez.