XXI. mendeko etxebizitza
Eraikuntzako Kode Teknikoa (CTE, erdaraz) berria abiarazteak aldaketa handiak ekarriko ditu eraikuntzaren sektorean. Ingurumenaren babesa, jasangarritasunaren bidetik, ezinbestekoa izango da eta energia berriztagarriak gero eta gehiago erabili egin beharko dira eraikuntzan. Datu bat ematearen, etxeetan ur beroaren %30 eguzki-energiaren bidez lortu beharko da Gipuzkoan (eguzkiak ordu gehiagotan jotzen duen beste lurralde batzuetan, gehiago).
CTE delakoa duela gutxi jarri zen indarrean eta, arau berri hauen eraginez, eraikuntza sektoreak erronka berriei aurre egin beharko die.
Hala nola, erabilitako materialek eta instalazioek ezingo dute kalterik eragin; energia aurrezteko sistemak aintzakotzat hartu beharko dira; hondakinen produkzioa jaitsi eta, sortzen duena, kudeatu egin beharko du; kutsatuko ez duten materialak ekoiztu eta erabili beharko ditu eta, hau guztia, gero eta zorrotzagoa den legedi baten barruan.
Arizmendi Ikastolako Lanbide Heziketak, eraikuntzarako tekniko eta espezializatuak prestatzen ditu. Arlo honetan, Arrasateko Udalaren eta LKS Ingeniaritzaren laguntzaz, XXI.mendeko etxebizitza: eraikuntza eta energia berriztagarriak izeneko I. Jardunaldi teknikoak antolatu du. Jardunaldia apirilaren 27an izango da Arrasateko Kulturaten eta, egitaraua, honakoa:
9:00 dokumentazioa banatu
9:30 ongi etorria, Sonia Samaniego (Eusko Jaurlaritza)
9:45 Ignacio Lakuntza (Arrasateko alkatea), Alberto Gorroñogoitia (LKS) eta Edurne Erauskin (Arizmendi Ikastola)
10:00 Juan Manuel Fernández (CADEM): Eraginkortasun energetikoaren ziurtagiria edifizioetan
10:45 Andres Laresgoiti (Ikerlan): Erregai-pilaren erabilpena etxeetako elektrogailuetan
11:30 kafea
12:00 Alberto Ortiz de Elguea (VISESA): Tetraener-Antondegi: energian eraginkorra den auzo baten proiektua
12:45 Alberto Zulueta (EHU): Eraikuntzako Kode Teknikoa: Europar Batasunaren eskakizun teknikoak betetzeko dokumentoa
13:30 maha ingurua: Eraikuntzako Kodigo teknikoa: Alberto Zulueta, Alberto Ortiz de Elguea, Jose Ignacio Martinez (LKS). Moderatzailea: Juan Antonio Urdangarin (Arrasateko Udala).
Jardunaldiaren inskripzioa apirilaren 17ra arte egin daiteke, hemen, edo 943 77 20 25 telefonoan.
Erantzun
Sartu