EiTB, edo nola egin erridikuloa
EiTB nazioarte mailan gaizki geratzea ez da ona, baina bere ikusentzule propioen aurrean, oraindik okerragoa da. Ikusi bestela www.jumptv.com helbidean aurkitutakoa
Duela egun batzuk EiTB JumpTV.com webgunearekin hitzarmen bat sinatu zuen. Honen bidez, JumpTV-k EiTBko Canal Vasco, ETBsat, Euskadi Irratia, Radio Euskadi, Euskadi Gaztea, Radio VItoria eta EiTBirratia eskainiko ditu bere webgunean.
Kontua da, webgune honetan irrati edo telebista kanal bakoitzak azalpen-testu bat duela: zein telebista den, helburuak, edukinak... Ba EiTBk, nola ez, euskaraz eta gaztelanieraz eskaintzen du testua. Beno, euskaraz edo antzeko zerbaitetan. Lotsagarria oraindik ere horrelako itzulpen eskasak irakurri beharra.
Ikusi hemen.
Erantzunak
> EiTB nazioarte mailan gaizki geratzea ez da ona, baina bere ikusentzule propioen aurrean, oraindik okerragoa da. Ikusi bestela www.jumptv.com helbidean aurkitutakoa
> Hauxe da, literalki, orri horretan euskaraz azaltzen dena:
>
> EITB,euskal kanala da, eta bertan bi mila langileek, lana egiten dute.
> Talde onek,ameriketar hispano-hizkuntzarentzat pentsatuta dago.
> Euskerazko interbentzioak,espainolaz itzulita edo azpimarratua daude.
> Orokorki programazioa milaka gendeari orientatuta dago.Programazioa hiru atal dute:berriak,kirolak, ozio eta kultura.
> Munduko kapital garrantsitzuenak delegazioa eta korresponsalak finkatuta dauzka eta kazetari bereziak, munduko lurralde arrizkutsuenak.
> Egunero hiru berriak ematen dituzte,bat ameriketan dauden audientziaz,bereziki pentsatuta,mahi-inguruak eta elkarrizketak osatuta.
> Kirol programazioa oso haundia da:futbola, basket, euskal pilota, txirrindulariak, eskubaloia, mendiak, estropadak, herri-kirolak.
> Eitbek, garrantzi haundia ematen die ozio eta kulturari,(erreportaiak, bidaiak, herriko-kultura, eta abar).
Ez dago aitzakiarik. Triste-tristea!
2 urte barru irratiko programa zaharrak entzuteko aukera emango digute, eta azken berrikuntza balitz bezala aurkeztuko digute.
Nik, beti bezala, inbidiaz begiratzen diet katalanei (www.catradio.com).
> Nik, beti bezala, inbidiaz begiratzen diet katalanei (www.catradio.com).
Katalanei begiratzea ondo dago, baina hemen ere baditugu adibide on batzuk.
Bilbo Hiria irratiko irratsaioak entzungai dituzu, on line. Zuzenean Internetez entzuteaz gain, biharamunean eta nahi duzunean entzungo dituzu orain. bilbohiria.com
Katalunia eredugarria da Interneti dagokionez. Baina, Euskal Herrian eredu autogestionatu eta herritar asko ditugu.
Eraikitzea da kontua, botere publikoari eskatzen egon barik.
Aluzinantea da testua.
Ez dakit lotsa, amorrua edo etsipena sentitu, baina edozein kasutan harrituta utzi nau.
Nire gogokoena: "Programazioa hiru atal dute:berriak,kirolak, ozio eta kultura" 2 gramatika akats, ortografiako bat eta aritmetikako hankasartzea 9 hitzetan! Superaezina!! ;)
Mac batekin nabil eta Firefox-en hobespenetan euskara, gaztelania eta ingelesa dauzkat jarrita, hurrenkera horretan. Agian horregatik gaztelaniaz erakutsi dit webgunea. Espainia barruan eta piperpotoak ondoan dituela ageri dira ETB eta Canal Vasco. Oraindik ez dut euskarazko testua aurkitu eta momentuz ezin izan dut ezer ikusi, ez baitaukat Windows Media player instalatuta. Piperpotoei kanal horiek nagusiki ETB2eko edukiak emititzen dutela gehituta nahiko negargarria da, baina sasieuskara edo antieuskara hori gehitzea azken sastakada ematea da. Txarrena da ezin dutela esan testua egiteko itzulpen automatikoko sistema bat erabili dutenik!
Katalanak aipatu ditu Unaik eta Patxik egokiro Bilbo Hiria irratiaren adibidearekin erantzun dio. Izan ere, irratia kartara, podcasta eta bloga biltzen dituen irrati eredu berritzailea da, lau hogerlekorekin eta atzerriko inorekin auskalo ze kontratu egin barik egun sarean egin daitekeenaren adibide duina da bilbohiria.com irratia.
> Tokiko telebista euskaldun duinak ea noizko! Beharbada hortik etorriko da ETB ere esnatzea, monopolioak ez baitira sanoak, bistan da...
Portzierto, Eusko Legebiltzarrean izan da gorabeherarik egunotan auzi hori dela eta. Sustatuko kazetariek baduzue horri buruzko informazio zehatzik?
Ematen du hankasartze ederra egin zutela ETBkoek, baina zuek jarritako loturan (http://www.jumptv.com/channels/canalvasco/overview.ch2?extra_language=vasc&language=spanish&sessionCode=&ref=)sartu naiz eta testua ondo dagoela ematen du.
Pentsatzen dut zuek akatsak ikusi eta gero aldatuko zutela.
Auskalo zergatik gertatzen zaizkien -edo diren- halakoak, baina zuzendu dute. Hori ere esan beharko da hemen ezta?
Sustatun irakurri eta gero aldatuko ote zuten?!...
(Bestalde, Sustatuko atzoko irudiaren azpiko esaldia ezin esan zuzenegia denik "Bideoak blogean ikus daiteke ETAren sueteneko bideoa")...
Hauxe da, literalki, orri horretan euskaraz azaltzen dena:
EITB,euskal kanala da, eta bertan bi mila langileek, lana egiten dute.
Talde onek,ameriketar hispano-hizkuntzarentzat pentsatuta dago.
Euskerazko interbentzioak,espainolaz itzulita edo azpimarratua daude.
Orokorki programazioa milaka gendeari orientatuta dago.Programazioa hiru atal dute:berriak,kirolak, ozio eta kultura.
Munduko kapital garrantsitzuenak delegazioa eta korresponsalak finkatuta dauzka eta kazetari bereziak, munduko lurralde arrizkutsuenak.
Egunero hiru berriak ematen dituzte,bat ameriketan dauden audientziaz,bereziki pentsatuta,mahi-inguruak eta elkarrizketak osatuta.
Kirol programazioa oso haundia da:futbola, basket, euskal pilota, txirrindulariak, eskubaloia, mendiak, estropadak, herri-kirolak.
Eitbek, garrantzi haundia ematen die ozio eta kulturari,(erreportaiak, bidaiak, herriko-kultura, eta abar).