Nerea Alias eta Aimar Olaizola, neska-mutil erakargarrienak
Nerea Alias eta Aimar Olaizola dira neska-mutil erakargarrienak, Helduentzako aisialdiaz aritzen den Zakilatente blog irakurleen arabera. Halaber, neskazaleek Nekane Erauskin politikaria hautatu dute morbo gutxien sortzen duten emakumeen artean.
Zakilatente blog euskalduneko irakurleak beren neska-mutil gogokoenak bozkatzen aritu dira otsailetik hona.
Lau punturekin berdinketa izan da Aimar Olaizola eta Iban Garateren artean. Atzetik, hiru puntu jaso dituzten Amets Arzallus, Unai Garate eta Unax Ugalde izan dituzte.
Nesken kasuan bestalde, Nerea Alias aurkezlea izan da irabazlea 7 punturekin eta atzetik izan ditu Nerea Garmendia (6 puxtarri) eta Izaro Iraeta (5 puxtarri).
Aipagarria da, bozka negatiboetan politikariek izan dute protagonismoa. Ez horren handia mutilen kasuan (Lehendakaria da bozka negatiboak jaso dituen gizonezko politikari bakarra), baina bai harrigarria nesken kasuan: EHAKko bozeramaile Nekane Erauskin-ek 5 puxtarri jaso ditu bere aurka, eta Ana Urchueguía eta Begoña Erraztik bana puxtarri aurka. Aintzane Ezenarrok ere aurkako botoak jaso ditu, baina askoz gehiago aldekoak.
Inkestako emaitzak blogeko honako orrian ikusi eta komentatu daitezke:
Halaber, esan beharra dago hau ez dela Zakilatente blogean antolatzen den lehenengo inkesta. Orain aste bat euskaldunok sexu harremanak izateko toki lizunen inkestaren emaitza kaleratu zen. Ia 100 bozka jaso ziren eta itsasoa eta hondartza atera ziren irabazle. Emaitza orokorrak hemen irakurri daitezke.
Erantzun
Sartu