Teknologia albisteak
12

You are the Euskalherria Internet leaders

Erabiltzailearen aurpegia
Informazio gosez
2006-12-30 : 22:12

(Oporretan izan garen egunetako batean, albistea gertatu eta hau kargatu zuen irakurle batek). Gaur abenduak 30 ditu, arratsaldeko 20.30ak dira mezu hau idazten hasi naizenean. Gaur, goizeko 9.00etan Madrilgo Barajas aireportuan lehergailu bat zartarazi dute. baieztapen ofizialik ezean, denek ETAri leporatzen diote eztanda. ETA izan zein ez izan, Euskal Herrian ondorio nabarmenak izaten ari den berria da, zalantzarik gabe.

Eguerdian (13.30etan) Espainiako Gobernuko Barne Sailburu Rubalcabak agerraldia egin du. Arratsaldean, 17.00etan Arnaldo Otegik eta 18.00etan Jose Luis Rodrigez Zapaterok. Partido politiko, sindikatu eta gizarte eragile askok ere kaleratu dute beren iritzia dagoeneko

Orain (20.30etan) bukatu dut euskal blogosferatik errepaso azkarra. Aurki-ren laguntza aparta falta izan zait, ondorioz, seguru blog eta komunitate asko eta asko gelditu zaizkidala errepasotik kanpo, baina atentzioa deitu dit datuak: euskarazko blog bakarrean aurkitu dut goizeko atentatuaren gaineko erreferentzia txiki bat (beste bat ere bazegoen, baina Iratzarri gazte erakundearen ohar ofiziala zen, bere blogean). Eibar.org komunitatean ere, erdaraz , baina El Mundo eta El Pais egunkarien edizio digitalen lotura hutsa eginez. Zabaldu.com-en Eitb24-ren berria, Sustatun ezer ere ez, ezta Berriako blogetan ere (mezu zahar bati erantzuna),… Ondorioz, egunkari, irrati eta telebisten bidez, edo hauen edizio digitaletatik jakin ditugu gaurko berriak. Non daude euskarazko blogariak?

Su etenaren iragarpenak izan zuen oihartzunak asko poztu zituen gure blogzaleak (Gaztelumendiren bloga ezin aurkituta nabil, loturarik ezin jarri), baina gaurko berriak non harrapatu ditu? Su etena asteazkenean (lan egunean, beraz) iragarri zuen ETAk. Gaur larunbata da. Izango du zerikusirik horrek?

Luistxo Fernandezek Euskadi Irratikoekin kalakan segi dezala… baina oraingoan berri eta iritzi gosez gaudenok betikoengana jo behar izan dugu (1 , 2 , 3 , 4 , 5 ,…)

Erantzunak

Gari
2007-01-02 : 16:58

"Informazio gosez", ez duzu ezer ulertu.



Kontua ez da besteek informazio emateko zai egotea. Hori da orain arte egin duguna. Hori da beste medio horien funtzionamendua. Gainera, ez dut uste ez blogosferako eta ez Sustatuko inork 24x7ko zerbitzua ematea planteatu duenik, are gutxiago munduko edozein tokitako albisteak ematea. Inork ez du esan blogosferak medio arruntak ordezkatuko dituenik. Hortaz beldur zara?



Gauza asko ez dira atera ez Sustatun eta ez blogosferan.



Zuk ba al zenuen Madrilgo atentatuaren inguruan aportatzeko zerbait? non idatzi duzu? Technoratin aurkituko dut?

Jabi
2007-01-02 : 18:18

Neuk ez dut blogen 24/7 zerbitzua aldarrikatuko edo sustaturi eskatuko, baina bitxia egin zait gaur arratsaldean sartzea eta goizean ikusi ez ditudan hiru albiste berri aurkitzea, hau tartean. Gaur goizean (urtarrilak 2) sartu naizenean Olentzero ikazkinarena zen berriena.

Informazio gosez
2007-01-03 : 00:10

Ez Gari, ez dut ezer ulertu. Eskertzen dut zure lezioa. Baina iritzia ematea libre izango da, ezta?



Batzuek ETAk su-etena eman zuenean euskal blogetan egondako mezu zaparrada sano txalotu zuten modura, niri kuriosoa iruditu zait larunbatekoa gertatuta zenbat denbora behar izan den iritzi-emaile blogarien lehen iritziak irakurri ahal izateko. Ez da kritika bat izan, komentario hutsa zen. Eta jakin-mina. Uste dut atentatua lanegun batean izan balitz blogetako lehen iritziak azkarrago agertuko liratekeela. Zuk zer deritzozu?

Bestelakoan, lasai, ez dut inolako beldurrik. Medio arruntak ordezkatuak izango balira ere, ez nuke inolako disgustorik izango.

ibai
2007-01-03 : 02:49

> Batzuek ETAk su-etena eman zuenean euskal blogetan egondako mezu zaparrada sano txalotu zuten modura, niri kuriosoa iruditu zait larunbatekoa gertatuta zenbat denbora behar izan den iritzi-emaile blogarien lehen iritziak irakurri ahal izateko.



Agian hain ustekabean harrapatu gaitu guztiok, hitzik gabe gelditu garela. Agian oraindik ez dugu ulertu gertatu dena. Agian nahiago izan dugu ezer gertatu ez balitz bezala jokatu. Agian...

Sustatu
2007-01-03 : 09:01

Joan den aste osoan oporretan egon da Sustatu, eta 2an hasi da lanean. Artikulu honek 30eko data dauka, gaueko 21.30etako ordua, orduantxe kargatu zelako. Normalean, argitaratu aurretik ordua eta data aldatzen diegu artikuluei, hurrenkera kronologiko jakin batean ager daitezen portadan, baina kasu honetan, abenduaren 30eko une jakin bateko analisi zehatz eta zorrotz bat zekarren artikulugileak, eta data hori gordetzea erabaki genuen, adierazgarria izan daitekeelakoan.


Luistxo Fernandez
2007-01-03 : 09:49

You are the leaders esaldi hori Sustatuko urteurren jaian bota zion, audientziari, atzerriko bisitariak. Gero, Time aldizkariak urteko pertsonaia izendatu zuen: You. Hiperbolikoa dirudi baina apur bat egia da. Zu zeu zara, Interneteko liderra. Zuk zeuk egin duzu, eta argitaratu duzu, errepaso digital bat une inportante batean. Mezularian ez dute sekula benetako errepaso digitalik egiten, ostera.


Errepasoak, gero, argazki zehatz bat eman du. Errealitatea horrela da. Sustatuk ez zuen egun horretan ezer argitaratu eguneko albisteaz, eta blogosfera euskaldun gehiena ere mutu (Zabaldu.com-en erreferentzia azaldu izana datu esanguratsua iruditzen zait, hala ere). Atentatuaz informazioa, hedabide tradizionalen bertsio digitalean zenuen.


Zer zekarren, orduan, Sustatuk arratsalde horretan? Portadako albiste komentatuenak Euskaltelen kable bidezko telebistaren gorabehera batzuk, eta Orange-Euskaltel mugikorren kontua ziren.


Euskaltelen aipamenik ez da falta izan hedabide tradizionaletan egun hauetan. Euskaraz ere. Euskal Herriko komunikazioaren liderrak ere ez dira isilik geratu: Karlos Argiñano, Julio Ibarra... Tximeleta ugari. Baina Orange-Euskaltel eskaintzen konparazio bat aurkitzeko, blogosferan lagun batek lagatakoa, eta zuek, Interneteko liderrok, hemen edo han erantzuten duzuenok, utzi dituzuenak.


Juan Luis
2007-01-03 : 11:59

Oso ona, Luistxo. Zer ondo saltzen duzuen zuen burua! Leaderrak? noski, euskal blogosfera zuena da.

r. xalba garez
2007-01-03 : 12:16

Beno, arrazoi duzue, "Su-eten"arenak sekulako arrakasta izan zuen blogetan eta Sustatun.



Gero desenkantua dator... hor normala den legez ez da hainbeste komentatzeko gogorik izaten.



Gainera, Sustatuk berak eta blog gehientsuenek ere politikari buruzko hiper-informazioa hedabide komentzional edo "mainstream" hoientzat lagatzeko joera dute.



Audientziak interes txikia du ordea erru-partiketa erritualean, nork bere arduren eskakeoan, betiko mezuen errepikaketan (gaitzetsi, demokraten batasuna, suetenean banda, orain berriro bandaterrorista...).



Audientziak orohar hor zapping egiten badu, nork bere blogean zergatik egingo dio ba kasu?



"Politikeriak", hots, egitateekin zerikusi gutxi duten mezu gezurtiek, borroka dialektiko hutsalek, marketinak eta axalkeriak dute seguruenik errua. Zentzu horretan esan genezake hedabide tradizionalen krisia "autentiko" ez izatearekin dagokeela lotuta.

Txopi
2007-01-03 : 14:36


Aipatu bezala, zabaldu.com-en Barajaseko albistea duela hiru egun argitaratu zen. Indymedia Euskal Herrian ere aipatu zen gertatutakoa abenduaren 30ean. Orduz geroztik (aurretik ere bai), IndyEHn su-etenaren inguruko hainbat albiste eta iruzkin izan dira, bai euskaraz, bai gaztelaniaz.

konatxe
2007-01-04 : 09:36

Batzuk zerbait idatzi genuen "egunean bertan": alua.mundua.com , esaterako. Iritzia baizik ez, baina zerbait, hala ere. Eta ez ginen bakarrak izan. Ondo begiratu hor zehar.

Asier
2007-01-04 : 18:00

"Agian hain ustekabean harrapatu gaitu guztiok, hitzik gabe gelditu garela. Agian oraindik ez dugu ulertu gertatu dena. Agian nahiago izan dugu ezer gertatu ez balitz bezala jokatu. Agian..."



Sustatuzaleok gai ugariri buruz izaten dugu zer esan. Arraroa egin zait beraz gure herriaren etorkizuna sakonki baldintzatzen duen zerbaiten aurrean "hitzik gabe" geratu izana. Oraindik ere zenbait konturen inguruan nahi bezala eztabaidatzeko gai ez al gara? Tabuak? Autozentsura?



Ziberkomunitate txiki honetan dagoen mailarekin ziur nago eztabaida interesgarria egongo litzatekela jazotakoaren gainean. Sustatuko arduradunak animatu gura nituzke egunotan gertatutakoaren ikuspegia eman dezaten, politikoen eta gizarte eragileen adierazpenak izan ditugun letxe.



Atentzioa eman didan ikuspegi bat, Patxi Zabaletarena. ETA-k su eten hau eten baino areago, "su etenaren kontzeptua" hautsi du bere aburuz.

r. xalba garez
2007-01-05 : 18:27

Zuzendari jauna:



ETAk armak uztea deliberatu omen du eta... Gobernu espainola horren jakitun izateak, edo erabat sinetsita egoteak... izorratu du prozesua akaso. Ze iruitzen?



Edozein negoziaketan azken kartak begibistan eukitzeak nori egiten dio kalte, agerian izan dituenari.





Zap.ek ordainduko ote ? Baraka edo ipurtzuloko lorea EHn galdu du?



Edo akaso estropezuaren erantzule bide den Rubalcaba lixtuarentzat izango da kulpante papera?



Edo hoiek denak libratu eta Ezker Abertzalearen bizkarra berotuz konponduko da "Zumosoleko lehengusuak" egindako aziyua?



Auskalo.



Gobernua xuhur, egoskor, mixkiñ aritu da presarik etzegoela pentsatuta. Tenk ta tenk, eten da soka, ta Rubalkabari a ze nolako iñuxente aurpegia gelditu zaion!!



Norekin uste zuten ari zirela jolasean, boy-scout talde batekin?



Baina, nahiz eta Bakea benetan desiatu, ETAk armak uztea deliberatua zuela entzuten nuen bakoitzean hotzikara ttipi bat izaten nuen eta... orain badakit arrazoia.



Azkar-usteko ezjakinari (Euskal Herriaz ezjakin tertulianoak bakarrik ez dira ta...) dena izorratzeko arrazoiak eman bait zaizkio ideia horri sendotasuna emanaz.





Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago