Teknologia albisteak

LURRA, Lurpeko behaketa ostrukentzat (Laberinto poetikoa)

Erabiltzailearen aurpegia
ibon rodriguez - ZERO teatro, ETEN...
2006-10-26 : 12:10

LURRAren asmoa ez da erantzunak ematea, galderak zuzen egitea baizik, betiereko galdeketa. Hunkitu, mugitu eta aldatu egin nahi du –artearen berezkoak diren funtzioak–. Sortze-prozesua, bestalde, bere jatorritik jendearen aurrera eramaten deneraino dena osorik ikusteko aukera bakar bihurtuko da. Urriaren 30etik azaroaren 3ra, 19:30ean, leku berean emango da ikuskizuna, baina aretoak 50 pertsonentzako edukiera bakarrik dauka.

ZERO Antzerki konpainiak, Leioako Umore Azokan irabazi zuen sariari esker, BAD (Bilbao Antzerkia Dantza) Bilboko VIII. Antzerki eta dantza garaikidearen jaialdian parte hartuko du. Baina ez du antzezpen huts bat egingo. Festibalean egitasmo berria izango da. Urrian zehar laborategi edo tailerreko prozesua gauzatuko da. Helburua pieza bat sortzea da, partehartzaileek ideiak gehitzen dituzten heinean aldatzen dena. Zenbait ideiatatik abiatuko da eta partehartzaileak konfigutartuz joango dira ZERO konpainiaz gain ETEN musika taldea, aktoreak, bertsolariak, diseinatzaileak, dantzariak eta beste hainbat arte-diziplinatako partaide izango dira egitasmoan parte hartuko dutenak, hortaz, ez da izango antzezlan huts bat, ezta kontzertu huts bat ere, ez literatur-saio huts bat. Diziplina guztien arteko interakzioak sortuko du pieza, guztiak guztien esanetara daudela, guztiak maila berean. Urriaren 30, 31 eta azaroaren 1, 2, 3an aurkeztuko da jendearen aurrean, Santutxuko BilboEszena aretoan (Juan de. Gardeazabal-Fika, z/g. Santutxu), egunero 19.30etan. Pieza bizia da, sortze-prozesua amaitu gabe duena, eta egunetik egunera eboluzionatzen duena, beraz, jendaurreko emankizun bakoitza ezberdina izango da.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago