Mozilla Thunderbird Euskaraz

Mozilla Thunderbird

Zer da ordea Thunderbird? Mozilla Thunderbird finean ePosta bezero bat da. Esan daiteke orain ezagutarazten ari den Firefox web nabigatzailearen anaia txikia dela. Thunderbirdekin zure ePosta kudeaketa inoiz baino ziurragoa, azkarragoa eta arinagoa izango da.

Bere ezaugarrien artean, esate baterako egokitzen diren Zabor Posta kontrolak, RSS irakurgailua, bilaketa arinak, ... ditugu. Eta nola ez, software librea eta euskaraz!

Thunderbird euskaraz

Thunderbird euskaraz erabili ahal izateko ...

1. Ingelesezko bertsioa deskargatu eta zure ordenagailuan instalatu behar duzu:

• Thunderbird 1.0.6 Linux-erako
• Thunderbird 1.0.6 Mac OS X-erako
• Thunderbird 1.0.6 Windows-erako

1. Euskarazko hizkuntza fitxategia hemendik deskargatu (eskubiko botoiarekin klik eginda, Gorde Lotura honela aukeratu) eta zure diskan gorde.
2. Thunderbirden Menuan: Tools -> Extensions egin klik Install botoian eta aukeratu deskargatutako hizkuntza fitxategia.
3. Thunderbirdek hizkuntza fitxategia instalatzeko baimena eskatuko dizu, baietz esan (Install now).
4. Thunderbird itxi eta berriro ireki.
5. Gozatu !!!

Ofiziala 1.5 bertsioan

Bertsio hau (1.0.6) ez da ofizial bezala sartu. Ez larritu baina, hurrengo bertsio egonkorrerako (1.5 zehazki) euskara hizkuntza ofiziala izango baita Mozilla Thunderbirden. Datorren bertsio horretan dagoeneko lanean ari gara Librezalen, bai Thunderbirdekin eta baita Firefoxekin ere.

Beste alde batetik, programa hauen laguntza fitxategiak itzultzeko ere laguntza beharko genuke. Gure lantaldean parte hartu al baduzu, benetan eskertuko genizuke.

Mozilla Euskaraz Posta Zerrendan harpidetu zaitez gurekin harremanetan jartzeko.

Edozein arazo baduzue, itzulpen akatsak ikusten badituzue, edo besterik gabe mezu bat utzi nahi badiguzue, pasa zaitezte Librezaleko forotik.

http://www.librezale.org/mozilla/thunderbird