Euskal kultur erakundearen webgune berria sarean da

Albisteak eta agenda ataletan ekitaldien inguruko informazio eguneratua biltzen dute. Besteak beste, webgune horrek euskal kulturaren agenda bat argitaratzen du, Euskal Herriko arteari, hizkuntzari eta ondareari buruzko informazio trinkoak, bai eta tokiko elkarteen eta artisteen aurkezpen xehea (datu-basea ) ere.

Atal finkoak ere baditu webguneak:

• Euskal Herria: Euskal Herriko historia, geografia eta ekonomiaren berri duzue atal honetan.
• Euskara: Euskararen historia, hizkuntzalaritza eta soziolinguistikari buruzko informazioa biltzen du, besteak beste.
• Kultura: Atal ezberdinetan banatuta, euskal kulturak duen aniztasuna islatu dute hemen.
• Ondarea: Euskal ondarearen berri izango duzu hemen.
• Kultura eragileak: EKEren datu basean dauden kultura eragileak arlo ezberdinetan sailkatu dituzte.
• Euskal Kultur Erakundea: EKE zer den, funtzionamendua eta ekintzen berri duzu atal honetan.

Kultur elkarteen arteko komunikaziorako tresna

Bestalde, atariak extranet dimentsio bat badauka, beren egoitza edozein lurraldetan izanik ere, Euskal Herriko kultura elkarteek barne komunikazio eraginkorrago bat ukan dezaten pentsatuak diren ekitaldiekin kultura agenda bateratu baten osatzeko tresna, topagune «birtualak»...

Parte-hartzea sustatuko du

Parte-hartzea bultzatu nahi dute EKEkoek webgunearekin. Euskal kulturaren ataria euskal kultura bizi baten erakusleihoa eta denbora berean lankidetza tresna izatea nahi dute. Horretarako, lan egiteko moduak aldatu nahi dituzte kultura eragileen arteko sare bat sortzen laguntzeko eta kalitatezko informazio aberatsen hedapena segurtatzeko.

Baionako Sei informatika enpresaren laguntza teknikoa izan dute. Enpresa hori Eibarreko CodeSyntax enpresarekin elkarlanean ari da.

Beste Webgune Euskaldun Bat: www.eke.org