GLEST euskaraz

Zer da GLEST?

Glest denbora errealeko 3D estrategia joko bat da, Galiziako jokogintza talde batek sortua. Bertan konputagailuak maneiatzen dituen beste hiru talderen aurka joka dezakezu (edo biren, edo bakarraren aurka). Zure herrixka eraiki, babesteko edo lehengaiak biltzeko unitateak sortu, eta aurkariak erasotzea da jokoaren funtsa. Horretarako, bi talderen artean aukeratu beharko duzu: teknologikoak eta magikoak. Bi taldeetariko bakoitzak alde on batzuk eta beste txar batzuk ditu, eta zuk alde onak erabiliz garaipena lortu behar duzu.

Gainera, zure unitateak diseinatu ditzakezu, nahi dituzun ezaugarriak emanez, gero jokoan erabiltzeko. Hauek dira jokoaren ezaugarrietariko batzuk:

• XML fitxategiak erabili zure unitateak definitzeko aukera.
• Ikerkuntzak definitzeko aukera: zer hobetzen den, nola,...
• Beste izaki mota bat (magikoak eta teknologikoak bezala) definitzeko aukera.
• Lehengaiak definitzeko aukera.
• Jokorako lurrak definitu edo aldatzeko (Glest Map Editor erabiliz) aukera.
• Kamera guztiz askea.
• 3dstudio max-etik irudiak igortzeko aukera g3d export plugina erabiliz.
• Keyframeen bidez biziarazitako modeloak.
• Euri, su, elur eta magiarentzako partikula sistema.
• Itzal errealista.
• Bide egokiena bilatzeko A*-en oinarrituriko IA algoritmoa.
• Soinu estatikoa eta streaminga.
• Eta askoz gehiago...

Nola dakit nik joko hau ona dela?

ArtFutura sariketan LEHEN SARIA irabazi zuelako Glest-ek. Eta honekin nahikoa ez baduzu, ikusi jokoaren irudi batzuk:

1.Irudia

2.Irudia

3.Irudia

4.Irudia

5.Irudia

Zein ezaugarridun konputagailua behar da?

Gutxienekoa:

• 3D txartela
• Windows 98/2000/XP
• (Ezin dugu zehaztu beste gutxieneko ezaugarririk)

Nortzuk egin dute?

Programaketa: Martiño Figueroa

Soinuak: José González

3D Irudiak: Marcos Caruncho

2D eta 3D Irudiak: Tucho Fernández

2D Irudiak eta Webgunea: José Zanni

Glesten webgunea honako hau da: www.glest.org

Bertan Glest Team taldearen hurrengo jokoaren (GLEST DUELFIELD) xehetasunak ere aurkituko dituzue.

Zalantzak argitzeko

Zalantzak argitzeko eta nahi duzuena galdetzeko eztabaida-gune bat ireki dugu.

Eztabaida-gune horretan jokoko ahotsak itzultzen laguntzeko informazioa ere aurkituko duzue.

Beste edozertarako, gure webgunera etorri edo mezu bat idatzi.