EUSTAT: 6-14 adin tartean 5etik 2 dira Internet erabiltzaileak
Gazteen %38,3 Internetera konektatu ziren azkeneko hiru hilabeteetan; gizonezkoen %40 eta emakumezkoen %36,4. 15 urtetik 24ra bitarteko gazteak dira, berriz, Internetera gehien konektatu zirenak, lautik hiru azkeneko hiruhilekoan. Googleren erabileraren gaineko datuak ere eman dituzte, denak EAEn dute estatistika esparru.
Talde horretan argi desberdintzen dira erabiltzaile-tasak sexua kontuan hartuta: bost neskatik lau konektatu ziren (%83,5), adin horretako mutilak baino 15,2 ehuneko-puntu gehiago.
Ordenagailuaren erabileran ere aldeak handitu egin ziren gazteen eta gainerako taldeen artean:
- 6 urtetik 14ra bitartekoen taldean, %5k bakarrik zioen inoiz ez zuela halakorik erabili. Inoiz erabili zutenen artetik, %98k azkeneko hiru hiletan erabili zuen.
- 10 urtetik 14ra bitarteko gazteen ia %100ek esan zuten inoiz erabili zutela.
- 35 urte artekoetan, emakumezkoek zertxobait gehiago erabili zuten ordenagailua gizonezkoek baino, baina alderik handienak 15 eta 34 urte artean izan ziren. Izan ere, talde horretako emakumezkoen %94k erabili zuten, taldeko gizonezkoek baino 2,5 ehuneko-puntu gehiago.
- 35 urtetik 44ra tasak berdindu egin ziren: adin horretako lautik hiruk esan zuen inoiz ordenagailua erabili duela.
- 45 urtetik aurrera aldeak nabarmendu egin ziren emakumezkoen kaltetan: emakumezkoen %23,2k inoiz erabili zuen ordenagailua eta gizonezkoen artean, aldiz, %36,3k.
GOOGLEk 31.500 erabiltzaile irabazi zituen 2004ko laugarren hiruhilekoan
Hamabost urteko eta gehiagoko 582.100 internautek esan zuten GOOGLE bilatzailea erabiltzen zutela, sei hilabete aurrerago baino 31.500 gehiagok. Horrek esan nahi du Euskal AEko Internet erabiltzaileen hamarretik bederatzik erabiltzen zuela. YAHOOk 18.800 erabiltzaile galdu zituen eta TERRAK beste 3.000. HOTMAILek 4.800 erabiltzaile irabazi zituen, bakarra izan zen.
Datuok, eustat.es etik atera ditugu.
Erantzun
Sartu