Estreinekoa egin du "Beste Gu" saioak ETB1n

Irratia eta telebista bereizten ikasi beharko dugula uste dut. Daniren saio hori irratian entzuteko saio bat zen duda barik. Harek ez zuen lekurik telebistan. Giro intimoa esan duzu, baina nik isiltasuna nabarmenduko nuke gehiago. Hutsune handiegiak ikusteko eta entzuteko den euskarri baterako.

Uste dut euskarazko telebistak beste zerbait duinagoa eskaini behar digula euskaldunoi. Hau ez da serioa. Eta gero nola nahi duzue gazteak euskaldun girora hurbiltzea? Telebista honek, ETB1ek, umetxoentzako eta euskal folklorerako atari bat baino ez du ematen, sartzerakoan atea jo behar izaten den ataria.

Horrelako saioak estreinatu ordez, saio duin eta serioak merezi ditugu. Programazioak baloratu eta dauden gabeziak tapatzen hastea komeni zaie ETBkoei, betiko zaborra ematen ibili baino.

Hasierako saioa besterik ez da izan. Egia da Dani-ren ibilbidea Irratian jarraitu izan dugunontzat, telebistan ikusteak zorrarazi digula "irrati saio" baten antza gehiago duela telebista saio batena baino.Eman daiogun tartea. Dani-ren elkarrizketarako dohaiak hor daude. Beharbada gonbidatuen zeresanean dago gakoa.Ea gaiak eta kontakizunak interesgarriak zaizkigun ala ez.ETBk elkarrizketa saio serio bat, aspalditik behar zuela uste dut.

Nik ez dakit zuek baina ni ez naiz kate honekin identifikatzen. Gehiago esango nuke insultantea iruditzen zait askotan, euskal herritarroi min emateko gauza piloa esaten da ETB2n.

Azkena asteazkeneko Lopezen saioan. Lorena Bernal eta Koto Matamoros izan ziren asteko gonbidatuak. Bigarrenaren inguruan ez dut hitz egingo, soilik esango dut aurkezlearen profesionaltasun eskasa agerian utzi zuela.

Lorena Bernal pertsonaia non grata izendatu beharko luke, benetako izan beharko lukeen telebista batek. Hiru aldiz entzun nion "AQUI EN ESPAÑA". Hori bai, aurkezlea lasai lasai.

Lopez ziur nago konsziente dela bere bizilekua Euskal Herrian dagoela, baina español-centrismotik hitz egiten du. Bakoitzak atera dezala bere ondorioa, nik ez dut esan nahi bakoitza zer den eta zer ez den.

Eta batzutan, oso gutxitan, euskalduntasunaren beroaldiak ematen dienean ETB 2koei, komunidate autonomoa baino ez dute hartzen ETBk kontuan, hori izango balitz moduan Euskal Herria. Eta iparraldea? Eta Nafarroa?

Gero bai, diasporako erreportajeak, euskaldunak munduan, euskaldun berrik Europan, euskal etxeak...

> Estralurtarrekin komunikatzen dela dioen emakumea ezagutu dugu lehenengoan, eta izen ezagunik ez baina testigantza haundia duten beste bi lagun aurkeztuko dizkigu Dani Arizalak datorren ostegunean.

---------- Ba ez naiz ni telebista jale horietakoa. Akaso, izen abizenez sinatzen ez duzun hori, "esnatu", adituagoa izango zara, baina...

Ba ni atzo etxera heldu eta ikusi nuen extralurtarrekin komunikatzen zen emakumea. Flipatu egin nuen, eta ez Windows-ek flipatzen duten moduan. Flipatu nuen muntaiarekin, aurkezleak nola gidatzen zuen elkarrizketa, elkarrizketatua ere ondo moldatu zen... Ez nuen nik zarata ez beste doinurik faltan bota. Gustatu zitzaidan isiltasunak duen pisua ere.

Zaila izango dena

Nire ustez, zailena izango da gonbidatuen jarduna. Aurkezlea, muntaia, ordua... denak izango dira gero eta hobeak, baina irratian errazagoa izan daiteke kontu-kontari aritzea. Kamara pila baten aurrean baino errazagoa. Ez du erronka makala aurkezleak.

Irratitik telebistarakoa ondo

Daniren lana irratian jarraitzen nuen, gauekoa egiten zuenean. Euskadi Gazteakoa beste batzuei zuzendutakoa da-eta... Akaso zuri zuzendutakoa ere ez da izango telebista saio hau. Akaso ez da zure estilokoa... Auskalo! Ba niri garrantzitsua iruditzen zait ETB-k egin duen aukera arriskatua.

Irratia eraman telebistara? Ez da Estepan Aldamizen moduko saio bat eta uste dut egokitzapenean ez doazela gaizki. Nik ere denbora emango diot eta hurrengo eguenean, saiatuko naiz ikusten. Ezer somatu badut, apustu serio bat izan da. Pozten naiz. Zorte on!

Nik programa ez nuen ikusi, datorren astean botako diot bistadizo bat... Hala ere, horrelako programek ez naute batere erakartzen. Baina horiek nire gustuak dira.



Dani Euskadi Irratian ezagutu nuen orain urte batzuk. Eta zer nahi duzue ba esatea... gaueko irratiko programa tipiko horietako bat da.



Gauean entzuteko, Carlos Pumares bezalakorik ez dago. Goizaldeko 3etan eta ohiuka.



FIBERGRAAAAAAAAAN

Nik ez dut saioa ikusi. Datorren astean ikusiko dut gogorik badut, baina ez da hori hemen arazorik handiena.

Kokoteraino nago ETBrekin. ETB 1-a betelaneko programazioaren adibide da (gogoratu Berrian egindako elkarrizketa batean programazio-arduradunak berak onartu zuela: "Dirua albistegietan eta 18:00etatik 00:30era jartzen da; gainerakoa betelan duina da»). Nola onar dezake hori postu horretan dagoen pertsona batek? Kaka zaharra eskaintzen digute eta gainera hala eskaintzen digutela esaten ere utzi egin behar al diegu?

Beno, eta hori guztia albistegienarekin ados bageunde bezala, ze, niri ez dit inork ukatuko Teleberri eta Gaur egun ez direla gauza bera. Jakin nahi nuke zein den Teleberri hobesten duten euskal hiztunen portzentaia. Eta gero Julian bidaliko dute ameriketara hango "euskaldunek" eta hemengo "euskaldunek" vasquitoetara jolas egin dezaten Patagonian ikurrina bat makila zahar bati lotuta.

Futbola ez bazait hainbeste gustatzen, Athletic ere ez, pilota partidek aspertzen banaute eta marrazki bizidunak ikusteko edo Betizu Taldearen Live kontzertuekin flipatzeko adina joan zitzaidala uste badut, zein da ETBk eskaintzen didan "betelan duina"?

Zer egiten dute programarik duinenek ETBn, kanpoko enpresen dirulaguntzaz biziraun ez bada?

Zergatik ez dago dirurik fundamentuzko programazioa egiteko eta bai bi partida iraungo dituzten kamisetetan 60 miloi pezeta gastatzeko (kulturari dagozkion 60 miloi pezeta)?

ETBren inguruko eztabaida bat proposatzen dut ETB izena beste ezer ez duen albiste batetik hasita.

" Hiru aldiz entzun nion "AQUI EN ESPAÑA". Hori bai, aurkezlea lasai lasai. "



Esnatu, eta zer nahi zenuen ba? Lopez builaka hastea eta Lorena platotik botatzea? ETBren errua al da Lorena Bernal independentista ez izatea? Eta zer leporatu behar diozu? Zuk esan behar al duzu orain telebistara zein joera politikotako jendea eraman behar den?





Eta elkarrizketa on batean ixiluneak ez dira kasualitatez sortzen, ezta gutxiago ere. Horiek maneiatzen ere jakin behar da, batzuetan erantzunek adina balio dutelako.



Zorionak Daniri. Bazen garaia horrelako saio bat egiteko.

Nik uste, aldaketa behintzat badakarrela daniren saioak... eta aukera eman beharko geniokela intentzio on horiek ea gauzatzen ote diren edo ez erakusteko.... horrelako saio baten beharra bazen etb-1n, ze ez dut uste Sorginen Laratza elkarrizketa saioa deitu dezakegunik, eta horrelakorik ez zen artean.... Dena den, azkenaldian, txoritxoarenean, eta bereziki ETB-1n ikusten ditugun aldaketak txarrerako izan direla kontutan hartuta, beldurtzekoa ere bada.... horren adibide edo paradigma Bertatik Bertarak izan duen aldaketa aipatuko nuke, eta ez naiz aurkezle aldaketaz ari, ze maizegi nondik datorren nabaritzen bazio ere, orohar, lan txukun xamarra egiten ari da Estitxu. Euskara dotore eta jatorra badu... irrifarre gehiegi, aukeran, baina tira... kezkatzeko moduko aldaketa, mamian somatu dut nik. Ez dakit gero eta ohore handiagoa ez ote dioten egiten izenari, alegia, gero eta gehiago geratzen direla bertan. Garai batean, saio bakarrean, iparraldeko, bizkaiko., nafarroako euskalkiak entzun zenitzazkeen... eta azkenaldian, berriz, ez dira bilbo eta donostiatik ateratzen. Bertan direlako akaso arropa denda gehienak, ze Lo Que Faltaba kendu dutela eta haren tokia hartu nahian edo, horrelako kontuak dira nagusi saio honetan. Gero tonuaren kontua dago. Bere garaian Klaudiok hasitako txotxi modari heldu diote BBkoek. Farrea eta txisteak (errazak, gehientsuenak ere...), nonahi, noiznahi eta nolanahi... arinkeriaren goiengo graduan. Bidezkoa bada, denak zaku berean ez sartzea, badelako kazetarien artean, mendian pasiatuz dabilen jubilatuaren gaineko erreportai bitxia, edo elurraren gaineko olerki audiobisual bat egiteko kapaz denik.... baina ez dakit parra besterik egiten ez duten horiek ez ote dioten gero eta toki gutxiago uzten eskola zaharrekoei. Eta denetan kezkagarriena... euskara maila. Bada kazetariren bat edo beste (izenik ez nume eman nahi...), ergatiboa badela ez dakienik.... Gai konkretu batean jakitun bezela aurkezten dute, baina nire galdera da, ez ote dagoen euskal herrian gai horretaz euskara txukunean arituko denik... fernandezek erakutsitako abilezia ezerezean uzten dute maiz bere inguruekoek egindako hankasartzeak... Alegia, saio arina zen lehen, eta arina da orain, baina lehen, freskurak ematen zion arintasuna, eta orain, arintasun hori arinkeri bihurtu da... aspergarri ere izatera heltzeraino. Eta okerrena da, lehen, bazela ETB1eko eltzetik salbatzeko moduko saioa, baina orain, inertziaz edo, ero eta bero, sorginen laratza eta antzekoek osatzen duten zaku berberean sartu beharrean gaudela.

Guztiz ados aurrekoarekin. Bertatik Bertara lehen OSO gogoko nuen saioa zen, eta orain ezin dut jasan. Ez dakit aurkezle aldaketagatik ote den. Oso gogoko nituen batzuk joan baitira (Kristina, Oihane Elortza,... Andoni bera), baina saioak okerrera egin du.



Ez nuen Daniren saioa ikusi, baina irratiko saioa entzuten nuen (gauean zenean) eta gustatzen zitzaidan. Eta ez dut uste irratirako soilik denik, baina ikusi arte ezin dut iritzirik eman.

Ni ere guztiz ados aurrekoarekin.

Ba niretzako, Daniren programa apur bat motela da, motelegia. Elkarrizketak agian ondo eginak, baina ixilune larregi. nik neuk, erritmo biziagoa nahiago telebistarako.



Bestela, etb-ren programazioa kaxkarra dela zer esanik ez. Niretzako, lau programa on ditu (etb-1an bakarra, eta espainolezkoan gainerakoak). Tristea da horrelakoak ikustea telebista publikoan.

> Bestela, etb-ren programazioa kaxkarra dela zer esanik ez. Niretzako, lau programa on ditu (etb-1an bakarra, eta espainolezkoan gainerakoak). Tristea da horrelakoak ikustea telebista publikoan.

>

>



Nik uste dut ETB1en badaudela kalitatezko programa bat baina gehiago, baina gutxiegi dira, edo laburregiak. Hona nire ustez kalitatezkoak:



1. Harian



2. Postdata (baina laburra da)



3. Teknopolis



4. Gaur egun (aurkezleak onak direlako, baina ordutegia oso txarra da)



5. Martin (nahiz eta ez den Jaun da Jaberen mailara iristen)



6. Marrazki bizidunak



Azken hauek oso ongi itzulita daude, ez da gauza bera gertatzen filmekin. "Eh, tio!" "Hi, txotxo!" itzultzen dute, eta ezin dira filmak jasan. Gainera, kalitate txarreko filmak emititzen dituzte gehienetan. Eta astean FILM BAKARRA!! (Nire ustez hori lotsagarria da) Bai, badakit itzultzaileak ez direla ETBrenak izango, baina lan hori ematen diena ETB da, beraz, ETB da itzulketen kalitatea hobetzeko esijitu behar diena.



Badakit zaila dela film batzuk itzultzea, beraz, aurrena film "serioak" itzultzea da nire ustez onena, kale-hizkerarik ez dutenak, eta euskaldunok filmak euskaraz ikustera ohitzean beste horiek itzuli.

Itzultzaile edo doblajearen arazo handiena nire ustez zera da: lau-bost ahots entzuten ditugula film, dokumental edo antzeko guztietan. Film guztiak ahots berarekin entzuten ditugu, eta horrela sinesgarritasuna galtzen da eta aspergarri bilakatzen da filmerik onena ere.

Bizkoizketaren kontua, kazikismoaren beste adibide bat dela iruditzen zait niri. Espainiako kazikismoa, lehenik, eta euskaldunena, bigarrenik. Estatuen erreferente maltzurraren errua da. Espainian hau egiten badute, ba gu beste hau (molde kaxkarragoan, noski). Espainiako gizartea nahi dugu, baina euskaraz, eta hori ezinezkoa da. Gu 600 mila gara, eta beraiek 40 miloi, gutxienez. Esan behar baita, paraboliken auziari esker 300 miloi, edo nik dakit zenbait direla (ikus-entzule potentzialak). Eredua, beraz, ezin estrapolagarria da, baina hau ezin dugu asumitu, ezin dugu barnetaru. Nik ezin izatea, ba tira, baina Bingen Zupiriak ezin barneratzea, ikusten denez, tragedia da. Clint Eastwood askoz ere negargarriagoa da euskaraz gaztelaniaz baino. Baina gaztelaniaz ere patetikoa da, Constantino Romeroren ahots manikeo eta anti-teatralaren erruz. Estwood, gainera, adibide bat da, bat bakarra: milaka daude. Zinema, beste gauza asko bezala, ezin da Francoren kultura ministeritzaren ikuspegitik ikusi, gure hondamendia izango litzatekeelako. Eta horrela ari gara, orain arte behintzat. Francok hasi zuen bikoizketaren roilo hori, eta oraindik ere askotan entzuten da zentzurik gabeko topiko ustel hori: Txo, Espainian kriston bikoizlariak zeudek. To, ba geldi daitezela bertan, guk ez ditugu behar-eta. Eman dezatela zinema jatorrizko bertsioamn, eta azpititula dezatela euskaraz, eta kito. Dirua, igual igual galduko da (ez baitu inork ikusiko), baina gutxienez bikoizketarena ahorratuko dugu. Ez da gutxi. Eta zinema ikusten hasiko gara, behingoz.

Jeessusss!!!!! Ikusten dut ez zaudetela oso gustora ETB1-ekin. Egia da programazioa nahiko kaxkarra dela. Nik hasieran Sorginen Laratza "gustora" ikusten nuen... baina orain ezin dut eraman. Hori da hori programa pattala!!! Nola izan daiteke Euzkitze itxura negarria duen saio hori egiten egotea, bere lana betidanik ezin hobeto bete badu pilota partidak komentatzen!! (esan beharra dago, Tolosa maisuak asko laguntzen duela)



Badaude saio onak ETB-n. Zer diozue Eguraldiaz: Nire ustez Andoni Aizpuru altxor handi bat da, euskara garbi, txukun eta aberatsa pertsona bakarrean. (penagarria, Bertatik Bertara utzi izana)



Eta diozue, goizaldeko ordu txikietan ematen dituzten saioez? Badaude bizpahiru pena merezi dutenak.



Niretzat balio handiko aurkikuntza izan zen Shin Chan. Bai, Shin Chan!! Inoiz ikusi duzuenok ezagutuko dituzue ume bihurri honen istorioak. Ba, nire ustez onena, itzulpenaren eta bikoiztaileen lana da. Itsurosoa ez, bikaina da! Hizkera freskoa eta eguneroko bizitzan erabiltzekoa! (ikaragarri gustatzen zaizkit "mutur zikina", "belarrondoko" eta tankera hortako hitzak, ja,ja)



Eta Dani-ri buruz, zer esan... Nik ikusi nuen telebistako lehen saioa eta irratia ekarri duela dirudi. Atmosfera lasai eta epela, berdin berdin mantendu du. Giro intimoa esaldien arteko ixiluneek sortzen dute. Niretzat eskerrak eman beharko genituzke, horrelako bitxiak noiz behinka disfrutatzearren. Ez al duzue uste, gaueko ordu hoietan Gran Hermanoren ondoan lasaitasun hori eskertzekoa dela??