Spama ezabatzeak milaka milioi dolarreko gastua du AEBetan
Maryland-eko Unibertsitateak egin du ikerketa. Horren arabera, spama ezabatzen 22.000 milioi dolar gastatzen dituzte urtero estatubatuarrek. Euskal Herriko daturik ez, baina zenbat gaude spam-arekin nazkatuta?
Internauten hiru laurdenak jasotzen du egunero spama
Telefonoz egin dute inkesta Internet erabiltzen duten 1.000 estatubatuar helduen artean. Horietatik hiru laurdenak jasotzen du egunero spama. Batez beste, egunero 18,5 spam mezu jasotzen ditu bakoitzak eta 2,8 minutu ematen dituzte horiek ezabatzen.
Denbora galtze horrek bere galera ekonomikoa dauka; kalkulatu dute AEBetan urtean 21.600 milioi dolar galtzen dituztela spamaren erruz.
Spam mezuak irakurri egiten ditu %14ak
Ikerketak dioenez, spama jasotzen dutenen %14ak mezuak zabaldu egiten ditu, zer dioten ikusteko. Eta %4ak mezu horietan iragartzen den zerbait erosi du joan den urtean.
Iturria: Yahoo News.
Erantzunak
> Ojo foro, txat eta horrelakoetan posta ematearekin.
Lehen oso ohikoa zen foro batera zerbait bidaltzean zure posta helbidea foroaren web orrian agerian gelditzea. Baina spammer-ek, posta helbideak lortzeko, programa automatikoak jarri zituzten web-a arakatzen @ zeinuaren bila. Geroztik, webgune eta blog serioek ez dituzte erantzuten dutenen helbideak erakusten. Sustatun zerbait publikatzeko, adibidez, posta elektronikoaren helbidea eskatzen da konfirmaziotarako, baina argi esaten da ez dela agertaraziko, eta ez da egiten.
Eibar.org-en ostatatutako blogetan, baina, egiten da. Hango blogetako baten erantzun bat publikatu eta e-maila emanez gero, berau agerian gelditzen da, spammer-ek helbidea lortu eta gu spameatzen has daitezen. Hori Eibar.org-eko blogak oinarrituta dauden coreblog produktuaren akats bategatik da. Akatsa konpontzeko modua argitaratu nuen nire blogeko artikulu honetan , baina oraindik ez du inork martxan jarri...
GAstua eragiten dugula irakurri dugu, baina zer egin? Iaz atera genuen "gidaren": berria. Bertan gomendatzen da, esatearko, edozelan ez ematea gure e-posta. Ojo foro, txat eta horrelakoetan posta ematearekin.
Jabi zabalak ere bazioen mezu horri eginiko erantzun batean: Irizpidea hauxe izan behar da: ez zabaldu SEKULA mezu batek atxekita dakarren EZER, aurretik oso ziur ez bazaude (telefonoz ziurtatuta) benetan lagun horrek bidalia dela eta ezinbestekoa duzula zabaltzea (hala ere kutsatuta egon daiteke).
Mozilla lagungarri
Mozillak zabortzat hartzen dituen mezuak ikonotxo batekin markatzen ditu. Hasieran erakutsi egin behar zaio Mozillari Spam-a zer den Spam botoia erabiliz, baina gero oso efektiboa da.