Gu gara i-belaunaldia eta ez omen dugu bizitza Internet barik irudikatzen ahal

> * Zertarako erabiltzen dugu guk Internet? Ze erabilera ematen diogu egunerokoan?



----- Internet egunero erabiltzen dugu lanean, eta edozein informazio bilatzeko edo kontsultatzeko eguneroko tresna bilakatu da. Komunikazioari asko eman dio internetek, ateak ireki dituelako eta erraztu egin duelako komunikazioa. Askotariko informazioa lortzeko erakusleihoa da internet.



> * Ba al dago i-belaunaldirik? Parte sentitzen duzu zure burua?

.........Ez dakit i-belaunaldia dagoen, eta egonez gero nik ez dut nire burua belaunaldiko kide moduan ikusten. Internet eskura dugun beste tresna bat besterik ez da, aukera asko eskaintzen diguna, baina tresna bat besterik ez.



> * Eta gu, zenbat orduz egoten gara *konektaturik*?

........Lan tresna bat denez, ordu dezente egoten naiz konektaturik. Baina, etxera joaterakoan erabilera ez da handia izaten.

> Gazteenek, bizitza antolatzeko orduan eskura dituzte telefono portableak, e-posta eta messengerra.

-----Poltsikoko telefonoa, messengerra eta abar izango ditu jende askok eskura, baina nik ez dut horrelakorik erabiltzen. Ez dut erabiltzen lagunekin geratzeko ez lagunekin distantziara berba egiteko.

Internet lan jardunarekin lotzen dut nik askotan, baina egia da, dudan lanagatik askotan pikatzen dudala holako edo bestelako webgunetan. Erosi ere egin dut libururen bat eta diskoak ere bai. Hegazkinen baten atzetik ere ibili naiz, eta oporretara joan aurretik ere kontsultatu beharreko erreminta da.

Asteburuan Internet? zero patatero. Dena den, ez dut uste nire kasua bakarrik denik. Asko jeisten da Interneten erabilera asteburuan.

Akaso i-belaunaldiaren parte ere izango naiz, baina egia esan ez dut sekula horrela planteatu... Baina, seguruenik, horren parte izango naiz, bai. Zergatik ez?

> Eta gu, zenbat orduz egoten gara konektaturik*?

----- Lan orduetan konektatuta egoten naiz eguneko 6 ordu inguru. Eta lan orduetatik kanpo ere konektatzen naiz, egia esan. Beste orduren bat eguneko batez beste, eta egunero ere ez.

> -----Poltsikoko telefonoa, messengerra eta abar izango ditu jende askok eskura, baina nik ez dut horrelakorik erabiltzen. Ez dut erabiltzen lagunekin geratzeko ez lagunekin distantziara berba egiteko.



E-posta, messengerra eta telefono mugikorrak gazteenek erabiltzen dituzte Iban, 24 urte bitartekoek edo... hi hori baino nagusiatxoagoa izango haz ezta?



Beste bi taldeetako batean sartuko zara, apika.

> * Zertarako erabiltzen dugu guk Internet? Ze erabilera ematen diogu egunerokoan?

Lanean erabiltzen dut batez ere Internet, nire lanerako ezinbestekoa baita. Baina, lanerako erabiltzeaz gain, bestelako gauzak egiteko ere erabiltzen dut: liburuak erosi, diskoak, arropa, bideo kamera, hoteletako edo hegazkineko erreserbak egiteko... eta bestelako informazioa eskuratzeko ere bai. Alde horretatik, tresna baliagarria dela iruditzen Internet.

> * Ba al dago i-belaunaldirik? Parte sentitzen duzu zure burua?

Ez dakit i-belaunaldirik dagoen edo ez. 23 urte ditut nik eta lehenengo talde horretan sartuko nintzateke Yahoo-ko azterketa horren arabera. Baina, bigarren taldeko deskribapenean egokiago ikusten dute nire burua.

I-belaunaldikoa izateko sakelako telefonoa eta e-posta nahikoa bada, belaunaldi horretakoa izango naiz. Baina, nire bizimodua antolatzerakoan ez ditut beharrezko ikusten bi horiek.

Hala ere, i-belaunaldi hori zer den ez dakit oso ondo oraindik eta zehaztasun gehiago beharko nuke benetan belaunaldi hori existitzen den edo parte naizen esateko.

Ez ba, bigarren taldekoa naiz, Peru. "Independentzia bizitzen ari diren horietakoa (edo horrelako zerbait) :-)



Dena den, esandako moduan, Internetekiko lotura ez dago asteburua eta aisialdiari lotuta, nire kasuan. Gehiago da infomazio iturri, gehienetan.



Ez da sinistekoa ere, akaso, baina nik ez dut jeisten MP3-rik Internetetik, ez dut txateatzen, ez dut inoiz jokurik jeitsi, ez filmik... Interneteroa naiz, baina arraro samarra, akaso.

Nire ustez, i-belaunaldia badago. Bagara. Gazteak gara orain, baina Interneten sortu eta hedatu den belaunaldikoak gara.



Eguneroko tresna daukagu. Egunero erabiltzen dugu. Gure aisialdia, gure lana, gure eginkizunak Internetekin, Internet bitartez... burutzen ditugu.



Badaude neskalaguna edo mutilaguna Internetez ezagutu dutenak. Ezagunak.



blogetan ezagututako jendea. e-posta bidez adiskide egindakoak.



posta zerrendak usu erabiltzen ditugu, eta harreman berriak sortzen dira.



ez da dudarik, i-belaunaldia gara.



ni bai behintzat.

Pasa egiten naiz hogeita hamalautik. Hala ere, hona zergatik eta zertarako erabiltzen dudan internet:

Lan arloan:

• Informazio iturri azkarra delako.
  - Lankideen arteko komunikaziorako.
  - Transakzio telematikoetarako.
  - Eta aldian behin adarra jotzeko.

Etxean eta aise denboran:

• Patsy eta konpainiarekin komunikatzeko eta ikasteko.
  - Beste gauza batzuk ikasteko informazio iturri eta baliabide azkarra delako.
  - Literatura, kultura eta bestelako aldizkari digitalak irakurtzeko.
  - Neure kreatibitate lanak erakusteko ere erabiltzen ditut hainbat ez leku.
  - Banketxeko azken zifrak irakurtzeko.
  - Zerbitzuak eta gauzak erosteko: Zineko, zirko edo antzerkiko sarrerak, bidaiak, liburuak…
  - Gabonetan eta lagunei postalak bidaltzeko ere bai.

Edukiko ditut ziur asko beste horrenbesteko motibo internet erabiltzeko, baina, aipatu ditudanak dira bat batean bururatu zaizkidanak.

Mytt

Eskerrik asko parte hartu eta zuen iritzia eskaini duzuen guztioi.

Iragan larunbatean, Faktoria irratsaioan honetaz berba egiteko aukera izan genuen.



Irratikoak flipatuta geratu dira, askoz ere erantzun gehiago lortu ditugulako Interneten bertan, uhinetatik eskatuta baino. Behin baino gehiagotan eskatu zuten mezuak igortzea beraien saioko e-posta helbidera.



Sustatu baina arrakastatsuagoa izan da. Horregatik ere eskerrik asko.



Interaktibitatea profitatzeko aukera bat izan da. Euskal medioek orohar bizi duten autismoa gainditzeko saiakera txiki bat, batean bestearen berri eman, eta elkar-elikatzeko aukera bat.



Kazetaritzaren kongresuan zerbait entzun genuen komunikabideen autismoaz... eta behar bada horretaz ere berba egin beharko genuke hemen.



Hurrengo batean.