Eibar.org blog komunitatearen softwarea, libre, doan eta euskaratua
Eibar.org elkartearen blog komunitatea posible egin duen softwarea, Coreblog, euskaratua, doan eta libre kaleratu berri du CodeSyntax-ek, bere 1.0 bertsiorako egokitua.
Apirilean, produktuaren 0.6 bertsioaren lehen kaleratze bat egin genuen. Baina orain, produktua nahiko biribilduta ageri da. Bereziki, 1.0 bertsio egonkorrera iritsi da Coreblog tresna, eta euskaratutako bertsioak ere harekin bat egin du. Gainera, Coreblog-en jatorrizko diseinu zurruna gaindituz, CSS estilo moldagarrietara egokituta dago euskarazko azal hau. Gainerako hizkuntzetara egokitzeko moduan prestatu da, gainera, eta gaztelaniazko bertsioa ere guk geuk prestatu dugu.
Eta, beharbada inportanteena, eguneroko jardunean gaitasuna eta moldagarritasuna erakutsi du Coreblog euskaratuak, Eibar.org elkarteak martxan jarri duen blog komunitateak software hau darabil udatik hona, eta esperientzia polita gertatu da honenbestez. Hangoak dira adibide hauek:
- Prospektiba
- Xabier Mendiguren
- Erral (hau elebiduna, euskaraz eta gaztelaniaz).
Eibar.org-eko portada ere blog erako beste albistegi bat da, azken finean, eta domeinu horretako abidideez gain, Elgetako Espaloia Kafe Antzokiak ere azpiegitura hau darabil: Espaloia.com
Lokalizazio lan honek Eusko Jaurlaritzako Kultura Sailaren dirulaguntza jaso du, teknologia berrietarako 2004. urteko deialdian.
Eibar.org-eko blogak apur bat egokituta daude. Baina, berez, produktua instalatuz gero, itxura hau hartzen dute prestatu ditugun demoek:
Produktua eskuratzeko, eta instalazio instrukzioetarako, hemen dago informazioa
Ingelesezko informazioa
CodeSyntax-ek, halaber, nazioarteko garapen-taldeari laguntza ematen dio, ingelesezko posta-zerrenda bat bultzatuz Postaria.com zerbitzuaren bidez. Informazio gehiago ingelesezko atal honetan.
Zorionak berriro!
Dakizuenez, Deustuko Unibertsitatean lehen urteko Filologiako ikasleek blog propioa garatu behar dute kurtsoa aprobatu ahal izateko. Esperientzia polita izaten ari da, eta talento handiko blogzaleak aurkitzen ari gara.
Aurten bigarren aldiz jarri dugu martxan ekimen hau eta horretarako Sustatun erabiltzen den Squishdot software bera erabiltzen ari gara. Baina orain, zuen artikulua irakurri eta gero, zalantzan gaude, jarraitu beharko genuke Squishdot erabiltzen edo mereziko luke Coreblogera pasatzeak?