Nola bizi Microsoft gabe
Gero eta jende gehiago ari da alternatiba bila Microsoften tiraniatik alde egiteko. Webgune bat ere sortu da jende horrek ahalik eta informazio gehien izan dezan.
Birusak direla, eskaturik gabeko publizitatea dela, Redmond-eko konpainiaren jarduera monopolista dela jende eta enpresa asko kokoteraino daude Microsoft-ekin, eta begira hasi dira, non aurkituko alternatiba serio bat: batzuek Linux aldera begiratzen dute, beste zenbaitek nahiago dituzte beste programa batzuk, nahiz eta horiek jabedunak izan.
Horientzat guztientzat webgune bat sortu da, Living Without Microsoft, eta hor garbi esaten da zein den toki horren helburua: alternatiba errealistak eskaintzea Microsoften softwareari. Gure helburua da diote agurrean informazio zehatza eta analisia eskaintzea Microsoft ez diren beste enpresek egindako programen gainean, eta eztabaida piztea zer onura eta zer arazo izan ditzakezun aukeratzen baduzu irtenbide bat, Microsoft-ena ez dena. Halaber, webgune honek informazioa eskaintzen du legearen eta industriaren gorabeherez, eragina izan baitezakete softwarea aldatzeko orduan.
Ez omen da Bill Gates-en kontrakoa
Webgunearen arduradunek, baina, argi utzi nahi dute webgune hau ez dela toki bat Bill Gates-en kontra egiteko, edo txoko bat Linux fanatikoentzat. Orobat, ez da webgune bat erabat eta bakarrik eskainia software libreari.
Sortu genuen Living Without Microsoft zeren hain da izugarria Microsfoten nagusitasuna merkatuan, non jende askok uste baitu benetan ez dagoela alternatibarik hark egiten duen softwareari. Kasu askotan badago alternatibarik eta gure xedea da zuri laguntzea behar duzuna aurkitzen.
Egia esan behar bada oso jende gutxi dago benetan microsoften beharra duena. Bere programak erabiltzera ohitutako asko egon arren programa horiek gabe berdin biziko litzateke jendea... Informazio eza da arazoa, esate baterako, oso jende gutxik daki OpenOffice.org MSOfficerekin bateragarria dela, edo Gimp photoshopen antzekoa dela, edo K3b erabil daitekeela CDak grabatzeko, Mozilla nabigatzeko eta posta kudeatzeko...
Dirua soberan dago Euskal Herrian, horregatik eskoletan, batere beharrik gabe lizentziak ordaintzen dira, eta administrazioak egundoko dirutza botatzen du urtero... Eta inork ez du ezer esaten.
Okerrena ea da hori ordea, birusen arazoa okerragoa da, diruaz gain egundoko denbora piloa galdu arazten baitigu alfer alferrik... Antibirusak jarri, eguneratu, diskoak aztertu eta birusen batek kalterik sortu badigu galdutako berreskuratzen saiatu edota sistema guztia berriz instalatu! Gainera, berriz ere arazo horiek guztiak sortu dizkigun sistema bera instalatzen dugu, Aikejoderse.
Kotxe garesti eta txarra erostea bezalaxe da, kotxeak gaua tailer mekanikoan igaro behar du (enpresaren kontura, jakina!), eta tartean tartean autopistaren erdian egundoko triskantza sortarazten digu, eta guk, berriz ere, kontzesionario berera bisita egin eta, berriz ere, kotxe bera erosten dugu, dirua eta denbora soberan baitauzkagu...
Bakoitzak atera ditzala kontuak.
Ondo segi,
Joxe.