Copyscape: bilatu kopiak sarean
Sustatuko mezu batean bere artikulu bat iturria aipatu gabe "fusilatu" zelako kexu agertzen zen Jabi Zabala, arrazoi osoz. Sustatu-ko editoreak argitu du kontua, eta bego halaxe. Baina erantzun haren harira akordatu naiz badela sarean artikuluen kopiak detektatzeko zerbitzu bat.
www.copyscape.com da zerbitzu hori.
Copyscape, bilatzaile berezi bat da: artikulu edo weborri baten helbidea ematen diozu, eta berak esaten dizu orrialde horren kopiak izan daitezkeen testuak non dauden.
Adibidez, lehengo adibidearekin jarraituz, Jabi Zabalaren artikulu originalaren helbidea eman diogu copyscape-ri. Eta, copyscape-k esan digu baietz, artikulu horren antzeko bat Sustatu-n dagoela. Bilatzaileak ematen dizun loturan klik eginez gero, gainera, bi artikuluetan errepikatzen diren hitzak koloreztatuta ikusten dira. Konparaketa bixkorrago egiteko.
Beste aproba bat egitearren, sartu dut Luistxo-k bere blogean eta sustatu-n publikatu duen artikulu baten helbidea, eta copyscape-k biak bilatzen ditu, bai.
Copyscape-ren orrialde nagusian bertan, beste adibide batzuk ere azaltzen dira: GNU lizentziarena, adibidez.
Bilaketa egiteko google-ren teknologia darabil azpian copyscape-k, eta egia esan, google bezalaxe, azkar eta ondo dabil bilatzailea.
Erantzunak
> Googlen testu zati bat pegatu eta berdina irteten du, zer eskaintzen du honek googleek eskaintzen ez dunena?
Eta, zer testu zati kopiatu duzu google-n? Nola dakizu artikulu baten esaldi konkretu bat bilatu behar duzula, eta ez beste bat?
Artikuluak, askotan, ez dira osorik kopiatzen; zati batzuk bakarrik kopiatzen dira. Bilatzaile honek esaldi mordo bat konparatuko ditu (pentsatzen dut, auskalo zer algoritmo daukan azpian) eta zuri lana aurrezten dizu.
Artikulu baten zati bat kopiatu bada, bilatzaile honek bilatu egingo dizu. Kopiatutako zatiko esaldia aukeratzen asmatu ez baduzu, zuk ez duzu google-n bidez bakarrik kopiarik bilatuko.
Googlen testu zati bat pegatu eta berdina irteten du, zer eskaintzen du honek googleek eskaintzen ez dunena?
aio