Urdaiazpikoak Interneten saltzea, goraldian dagoen negozioa
Jamon-iberico.com Extremadurako webguneak bertako produktu tipikoak saltzen ditu, eta urtero 18.000 euro inguruko salmentak egiten dituzte. Produktu tipikoek Interneten duten harrera ikusita, hemengo gazta, sagardoa, ardoa eta beste zenbait produktu saltzen hastea ez litzateke ideia txarra izango.
Productos Tradicionales del Suroeste S.L. da ekimen honen bultzatzailea, eta enpresak emandako datuen arabera, urtero %15 egiten dute gora salmentek.
Urdaiazpikoak, txerri besoak, hestebete iberikoak eta kalitate goreneko ardoak saltzen ditu webguneak, baina beso iberikoa da izarra. Behin eskaera eginda, 48-72 ordu artean iristen da erosketa etxera, bidalketa urgenteko agentzia baten bidez.
Espainian gehien
Madrildarrak eta kataluniarrak dira produktu gehien erosten dituztenak Jamon-iberico.com webgunean. Atzerritarrak %2 dira. Eta enpresak esan duenez, lehenengo erosketa egiten dutenen %20ak berriz erosten du beste zerbait.
Produktu gehien saltzen dira urria eta abendua artean. Tradizionalki, garai horretan kontsumitzen baitira produktu horiek.
Ordainketa moduari dagokionez, berriz, errenboltso bidez egiten dute gehienek. Baina, geroz eta gehiago dira txartelarekin ordaintzen dutenak.
Hona urdaiazpikoak saltzen dituzten beste webgune batzuk:
Erantzunak
> Esan dagoeneko Zerainek baduela denda birtual hau.
>
Zuen webgunearen azalean, denda birtuala dioen tokian klik eginda, mezu hau agertzen da:
Dagoeneko sar zintezke Parke Kulturalera ezkerreko aukera hautatuaz, bestalde denda elektronikoa noiz kaleratzen dugun jakiten aurrena izan nahi baduzu, ondorengo formularioa zeure datuekin bete eta gu geuk posta elektroniko bidez jakineraziko dizugu.
Hortaz, badirudi hori irakurrita, denda ez dagoela martxan oraindik... baina ez da hala, ze Parkearen atalean klikatuta eta barruko edukietara sartuta ikusi dut, bai, denda badagoela, jaki goxoak erosteko aukerarekin.
Uztailaren 14an bidalitako mezuan ikusi dugu urdaiazpikoak saltzen dituen interneteko denda dela eta, hemengo produktuak saltzeko proposamen bat egiten zen. Esan dagoeneko Zerainek baduela denda birtual hau.
Denda birtuala
Zerain Parke Kulturalak, egitasmo berri bat jarri zuen martxan duela urte ta erdi. www.zerain.com webgunean gure herriari buruzko informazioa eta Parkeko eskaintza turistikoa erakusteaz gain denda birtuala gehitu genion. Denda honek, Internet bidez era eroso batean gure kalitatezko nekazal produktuak eta Euskal Herriko artisautza produktu adierazgarrienak eskaintzeko aukera ematen digute.
Komertzio zuzena
Zerain.com denda berriaren ezaugarri garrantzitsuena, gure baserritarrengandik datozen kalitatezko produktu desberdinak eskaintzeko garaian, bidezko komertzioaren kontzeptua erabiltzea da, baserritar hauek zaintzen baitute gure ingurunea.
Lehen sektorea lantzen jarraitzen dugu
Teknologi berriek eskaintzen dizkiguten aukera desberdinak erabiliz, bitartekaririk gabe eta merkatuko arau gogorretatik aldendurik, denda honek nekazari eta artisauen lana ahalik eta ongien baloratu nahi du. Pauso berri honekin Zerainen lehen sektorearen etorkizunean lanean jarraitzen dugu, garapen jasangarriaren bidez, gure paisaia eta berari lotutako ondarea mantentzeko lanean jarraituz.
Baserritarren produktuak mundura
Denda birtual honen bidez, gure baserritar eta artisauen produktuak mundu osoan zehar zabaldu nahi ditugu, eta berari esker, edozein pertsonak produktu hauek eskuratzeko aukera izan dezan, orain arte Zeraina etorriz bakarrik egin zitekeena. Bertakotasunarekin batera, "bidezko komertzioa" da.
Teknologia berriek eskeintzen dituzten baliabideak erabiliz, egungo merkatu
lege gordinetatik urrun eta bitartekorik gabe, denda honek, baserritar zein
artisauak bere lanaren ordaina behar den neurrian jasotzea ahalbideratzen
du.
Guretzat denda hau ez da komertzio gune soil bat. Auzolanean oinarrituz eta turismo kulturala artisautzarekin lotuz, herri txiki honen eta bere inguruaren geroa bultzatu nahi dugu.
www.zerain.com
Herriko Plaza z/g, E-20.214 ZERAIN, Gipuzkoa, EUSKAL HERRIA
Tel: 34.943.80 15 05, Faxa:34.943.80 16 06, E-posta: denda@zerain.com